Ալեքսեյ Աշապատով (ռուս.՝ Алексе́й Вита́льевич Ашапа́тов, հոկտեմբերի 30, 1973(1973-10-30), Սարատով, ՌԽՖՍՀ, ԽՍՀՄ), ռուս թեթևատլետ, 2006 և 2012 թվականների Պարալիմպիկ խաղերի քառակի չեմպիոն և ռեկորդակիր, աշխարհի չեմպիոն (2006), Եվրոպայի չեմպիոն (2005), Ռուսաստանի տասնակի չեմպիոն[1]։ Նվաճել է ոչ միայն ոսկե, այլև արծաթե ու բրոնզե բազմաթիվ մեդալներ։ Արժանացել է նաև Ռուսաստանի կառավարական պարգևների՝ Պատվո նշան և Բարեկամության շքանշանների[2][3]։ Մարզական նվաճումները ձեռք է բերել գնդի հրման և սկավառականետման մրցաձևերում։
Բանակում զինվորական ծառայությունն ավարտելուց հետո որոշել է մնալ Սիբիրում։ Հաճախել է վոլեյբոլի պարապմունքների, Նիժնեվարտովսկի, Սուրգութի թիմերի կազմում մասնակցել մրցումների, դարձել սպորտի վարպետ։ 2002 թվականին դժբախտ պատահարի հետևանքով կորցրել է ոտքը, բայց շարունակել է զբաղվել սպորտով, համառորեն մարզվել՝ դրսևորելով դժվարությունները հաղթահարելու տենչ, անկոտրում կամք։