Ալբերտ Պողոսով

Ալբերտ Պողոսով
Ծնվել է	փետրվարի 9, 1952(1952-02-09) (72 տարեկան) Դուշանբե, Տաջիկական ԽՍՀ, ԽՍՀՄ
Քաղաքացիություն	Ռուսաստան
Մասնագիտություն	հոգեբույժ
Հաստատություն(ներ)	Դուշանբեի բժշկական ինստիտուտ
Ալմա մատեր	Դուշանբեի բժշկական ինստիտուտ (1976)
Գիտական աստիճան	բժշկական գիտությունների դոկտոր (1992) և պրոֆեսոր (1994)
Տիրապետում է լեզուներին	ռուսերեն

Ալբերտ Վազգենի Պողոսով (փետրվարի 9, 1952(1952-02-09), Դուշանբե, Տաջիկական ԽՍՀ, ԽՍՀՄ), հայ հոգեբույժ, թմրաբան։ Բժշկական գիտությունների դոկտոր (1992), պրոֆեսոր (1994):

Կենսագրություն

Ալբերտ Պողոսովը ծնվել է Դուշանբեում։ 1976 թվականին ավարտել է Դուշանբեի բժշկական ինստիտուտը։ 1977-1999 թվականներին աշխատել է Դուշանբեում, 1981-1999 թվականներին՝ Դուշանբեի բժշկական ինստիտուտի հոգեբուժության ամբիոնում։ 1993-1994 թվականներին եղել է Տաջիկական ԽՍՀ առողջապահության նախարարության գիտության, ծրագրավորման և տեխնիկայի բաժնի պետ, 1994 թվականից՝ Կուրսկի (ՌԴ) բժշկական համալսարանի հոգեբուժության և թմրաբանության ամբիոնի պրոֆեսոր։ 1998 թվականից ՌԴ բնական ԳԱ թղթակից անդամ, 1994 թվականից՝ հոգեբույժների և թմրաբանների Կուրսկի մարզային գիտական ընկերության վարչության անդամ։

Աշխատանքները վերաբերում են ալկոհոլամոլության, ափիոնային թմրամոլության, ինհալացիոն թունամոլության կլինիկային, ախտածագմանը, բուժմանը, թմրաբանական ծառայության կազմակերպմանը, տագնապային և հետհոգեվնասվածքային գերհույզային խանգարումների ռիսկի գործոնի, կլինիկայի և բուժման խնդիրներին։

235 գիտական աշխատանքների, գիտական-մեթոդական և ուսումնական հրատարակությունների, այդ թվում`գրքերի, ամսագրային հոդվածների, ձեռնարկների, գործնական առողջապահության մեթոդական հանձնարարականների, 2 գյուտերի, 15 նորարարական առաջարկությունների հեղինակ է։

Պարգևներ

• ԽՍՀՄ առողջապահության գերազանցիկ, 1981

Երկեր

• Наркомания, Душанбе, 1987 (համահեղինակ).
• Опийные наркомании, Москва, 1998 (համահեղինակ).
• Патохимия опийных наркомании, Курск, 2001.