Ալավերդի, հինգհազարամյա ուղի (գիրք)
Ալավերդի, հինգհազարամյա ուղի | |
---|---|
![]() Գրքի շապիկը | |
Հեղինակ | Հրաչյա Պապինյան |
Տեսակ | Ոչ գեղարվեստական |
Ժանր | Պատմական, մշակութային, հուշագրական, գիտական |
Բնօրինակ լեզու | Հայերեն |
Ստեղծման տարեթիվ | 2010-24 թվականներ |
Նկարագրում է | Ալավերդի քաղաքի և հարակից բնակավայրերի պատմությունը |
Էջեր | 995 |
Շարք | 24 գլուխ |
Նախորդ | Պղնձե քաղաքի պատմությունը, գիրք-ալբոմ |
Հաջորդ | Ալավերդու մշակույթի տարեգրություն |
Խմբագիր | Մարգարիտ Արիստակեսյան, Գալյա Հովհաննիսյան, Կարինե Մելիքսեթյան |
Կազմի հեղինակ | Հայկազ Օհանյան |
Երկիր | Հայաստան |
Հրատարակման վայր | Երևան |
Հրատարակիչ | Էդիթ Պրինտ ՍՊԸ |
Հրատարակման տարեթիվ | 2024 թվական |
ԳՄՍՀ | 978-9939-969-82-4 |
ՀՏԴ | 94(479․25) |
ԳՄԴ | 63․3(5Հ) |
«Ալավերդի, հինգհազարամյա ուղի», պատմավավերագրական և հուշագրական գիրք, որը ներկայացնում է Հայաստանի Հանրապետության Լոռու մարզի Ալավերդի քաղաքի, հարակից բնակավայրերի և, ընդհանրապես, տվյալ տարածաշրջանի պատմությունը։ Հեղինակը լրագրող Հրաչյա Պապինյանն է։ Հրատարակվել է 2024 թվականին Երևան քաղաքում։ Գրքում վերաշարադրվել է ավելի քան 200 գիտական աշխատություններ և հոդվածներ, հուշագրություններ, տպագրվել շուրջ 1600 բացառիկ լուսանկար[1]։
Նկարագրություն[խմբագրել | խմբագրել կոդը]
Գրքում ներկայացված է տարածաշրջանի երկրաբանական պատկերը և նրա ձևավորման դարաշրջանները, Ալավերդու տարածքում կատարված առաջին պեղումների արդյունքները, Վանի թագավորության ու Արտաշեսյանների ժամանակաշրջանները։ Մեծ տեղ է հատկացված Բագրատունի Կյուրիկյան թագավորների, Սանահին և Հաղպատ վանական համալիրների հոգևոր, կրթական ու գրչության միջնադարյան կարևորագույն կենտրոնների պատմությանը։ Մանրամասն ներկայացված են տարածաշրջանին վերաբերող հայ-վրացական, հայ-ռուսական հարաբերությունները, Արցախ-Լոռի պատմական առնչությունները։ Առանձին բաժնով մանրամասն ներկայացված են Ալավերդի քաղաքի պղնձաձուլական գործարանի, թաղամասերի, նշանավոր կառույցների, փողոցների, արդյունաբերական ու շինարարական կազմակերպությունների, կրթամշակութային հաստատությունների ստեղծման պատմությունները։ Աշխատության վերջում հեղինակը ներկայացրել է նաև տարածաշրջանի կարևորագույն իրադարձությունների ժամանակագրություն[1][2]։