Ագուլեցոց Սուրբ Աստվածածին եկեղեցի (Շուշի)

Վիքիպեդիայից՝ ազատ հանրագիտարանից
Jump to navigation Jump to search

Ագուլեցոց Սուրբ Աստվածածին եկեղեցի, հայ առաքելական եկեղեցի Արցախի Հանրապետության Շուշի քաղաքում[1]։

Պատմություն[խմբագրել | խմբագրել կոդը]

Կառուցել են 1822 թվականին Նախիջևանի Ագուլիս քաղաքից Շուշի տեղափոխվածները։ 28,9 մ երկարության և 17,5 մ լայնության քառասյուն եկեղեցին ունեցել է երեք դուռ՝ հարավային, արևմտյան և հյուսիսային, երկու գավիթ՝ հարավային և հյուսիսային դռների վրա։ Եկեղեցուն բավականին գեղեցիկ տեսք են տվել տանիքի արևելյան և արևմտյան գագաթնագծերի վրա կառուցված կաթողիկեները և նրանց մեջտեղում կառուցված մեծ կաթողիկեն[2]։ Եկեղեցին ունեցել մի ավագ, չորս փոքր խորաններ և կանանց մի վերնատուն։ Եկեղեցին ավերվել է 1920 թվականի մարտի ն քաղաքի հայկական թաղամասի ոչնչացման ժամանակ և չի պահպանվել։ Հարավային դռան ճակատակալ քարի վրա եղել է հետևյալ արձանագրությունը. «Կամաւն Աստուծոյ Սուրբ Աստուածածնայ աւագ եկեղեցիս կառուցին արդամբք և ծախիւք իշխանք ազնուազգի հարազատ աղայք Զօհրապ Յովհանջան, Մարկոս և բաբա տէր Մատթէոսեան թառումեանց ընդ որս ր որդիք նոցա յովհաննես աղային և Աւետիս աղայ ի յիշատակ և ի փրկութիւն հոգւոյց իւրեանց և սոցա ծնողաց, ամուսնոց, որդւոց, դստերաց իւրեանց ամենից և առհասարակ ննջեցելոցն ի Տէր ի կայանս երկնից. ի 1822 ամի Տեառն»[3]։

Ծանոթագրություններ[խմբագրել | խմբագրել կոդը]

  1. Ստեփան Մելիք-Բախշյան, Հայոց պաշտամունքային վայրեր, Երևան, «ԵՊՀ հրատարակչություն», 2009 — 6, էջեր 6 — 432 + 10 էջ ներդիր էջ. — 500 հատ։
  2. Մակար Բարխուդարյան,Արցախ,Եր., 1996 թ. էջ 92
  3. Մակար Բարխուդարյան,Արցախ,Եր., 1996 թ. էջ 92-93