Արթուր Գրիգորյան (երգահան)

Արթուր Գրիգորյան
Հիմնական տվյալներ
Ծնվել է	հուլիսի 31, 1958; Երևան, Հայկական ԽՍՀ, ԽՍՀՄ
Երկիր	Հայաստան
Մահացել է	փետրվարի 4, 2022 (63 տարեկան); Երևան, Հայաստան
Մասնագիտություն	Կոմպոզիտոր
Պարգևներ	և Հայաստանի արվեստի վաստակավոր գործիչ

Անվան այլ կիրառումների համար տե՛ս՝ Արթուր Գրիգորյան (այլ կիրառումներ)

Արթուր Գրիգորյան (Արտաշես Գրիգորի Գրիգորյան) (հուլիսի 31, 1958(1958-07-31), Երևան, Հայկական ԽՍՀ, ԽՍՀՄ - փետրվարի 4, 2022(2022-02-04), Երևան, Հայաստան), հայ կոմպոզիտոր, ՀՀ ժողովրդական արտիստ (2011)։

Կենսագրություն

Սովորել է Երևանի Տիգրան Չուխաճյանի անվան երաժշտական դպրոցի դաշնամուրային, այնուհետև՝ կոմպոզիցիայի դասարանում, 1975-1979 թվականներին՝ Երևանի Ռ. Մելիքյանի անվան երաժշտական ուսումնարանում։ 1981-1983 թվականներին և 1987 թվականից դասավանդել է «Հայհամերգ» էստրադային ստուդիայում։ 1983-1984 թվականներին աշխատել է Գեղագիտության ազգային կենտրոնում։ 1984-1991 թվականներին սովորել է Մոսկվայի թատերական արվեստի պետական ինստիտուտի ռեժիսուրայի ֆակուլտետում։ 1985-1988 թվականներին եղել է «Պոպուլյար» ՎԳԱ-ի երաժիշտ։ 1992 թվականին նշանակվել է Հայաստանի Ազգային ֆիլհարմոնիկ գործակալության նախագահ, մինչ 1994 թվականը ղեկավարել է Հայաստանի պետական ջազ նվագախումբը։ 1994 թվականից հիմնադրել է Հայաստանի Երգի պետական թատրոնը, որի գեղարվեստական ղեկավարն է։ 1995-1998 թվականներին եղել է Երևանի Երիտասարդական պալատի տնօրենը։ 2001 թվականից հանդիսացել է Հայաստանի Հանրային հեռուստառադիոընկերության խորհրդի անդամ, 2009 թվականից՝ խորհրդատու։

Հեղինակել է «Այո», «777», «Ասուպ», «Ընծա» մրցանակաբաշխությունները, «Հենց այսպես», «Տես» հեռուստահաղորդումները, «Կանաչ գոտի», «Արցախի ձայներ» նախագծերը, Հայաստանի «Զաքյան» ֆոնդի հովանավորչական ամենամյա հեղինակ-կատարողների մրցանակաբաշխությունը։ Նախաձեռնել և ղեկավարել է Երևանի գեղարվեստա-թատերական ինստիտուտի էստրադային կուրսը։ Հեղինակել է բազմաթիվ երգեր, մանկական մյուզիքլներ, մասսայական միջոցառումներ, փառատոներ, թեմատիկ և էստրադային համերգներ^[1]^[2]^[3]։

Մրցանակներ, պարգևներ

1996 Մովսես Խորենացու մեդալ
2005 ԼՂՀ մեդալ
2005 «Վաչագան Բարեպաշտ» մեդալ
2008 «Հայրենիքին մատուցած ծառայությունների համար» 1-ին աստիճանի մեդալ
2003 ՀՀ արվեստի վաստակավոր գործիչ
2011 Հայաստանի Հանրապետության ժողովրդական արտիստ^[4]

Ծանոթագրություններ

Արտաքին հղումներ

Արթուր Գրիգորյանի երգերը «Երգ երգոցում»

[1] Արթուր Գրիգորյանի կենսագրությունը AV Production կայքում

[2] Արթուր Գրիգորյան, «Եթե կա սեր, ապա այն սուս ու փուս հաղթում է»

[3] Արթուր Գրիգորյան.«Հիշողությունիցս անվերադարձ կջնջեի ծնողիս կորուստը»

[4] Հայաստանի Հանրապետության պատվավոր կոչումներ շնորհելու մասին

[1]

[2]

[3]

[4]