Ջալալ Հարությունյան
Ջալալ Հարությունյան | |
---|---|
նոյեմբերի 11, 1974 (49 տարեկան) - | |
Ծննդավայր | Բադարա |
Քաղաքացիություն | Արցախ |
Զորատեսակ | Արցախի պաշտպանության բանակ |
Կոչում | Գեներալ-Մայոր |
Հրամանատարն էր | ԱՀ Պաշտպանության բանակ |
Պաշտոն | ԱՀ ՊԲ հրամանատար |
Մարտեր/ պատերազմներ | Հայ-ադրբեջանական պատերազմ (2020) |
Կրթություն | Արցախի պետական համալսարան |
Պարգևներ |
Ջալալ Անատոլիի Հարությունյան՝ ծնվել է 1974 թվականի նոյեմբերի 11-ին ԼՂՀ Ասկերանի շրջանի Բադարա գյուղում, հայ ռազմական գործիչ, գեներալ-մայոր[1][2], Արցախյան ազատամարտի մասնակից, Արցախի Հանրապետության պաշտպանության նախարար–Պաշտպանության բանակի հրամանատար[3]։
Կենսագրություն
Ջալալ Հարությունյանը ծնվել է Ասկերանի շրջանի Բարդարա գյուղում։ 1981-ից 1991 թվականներին սովորել է նույն գյուղի միջնակարգ դպրոցում։ Դպրոցը ավարտելուց անմիջապես հետո միացել է Արցախի համար մղվող ազատագրական պայքարին[4]։ 1999 թվականին ընդունվել է Սանկտ Պետերբուրգի ռազմական ակադեմիա, որն ավարտել է կարմիր դիպլոմով։
Զինվորական ծառայութուն
1992 թվականի նոյեմբերի 5-ից ծառայում է Պաշտպանության Բանակում։ 1992-ից 2016 թվականներին զբաղեցրել է տարբեր պաշտոններ ՊԲ-յում, լինելով պաշտպանական շրջանի հրամանատար, միավորման հրամանատարի տեղակալ-շտաբի պետ, միավորման հրամանատար։ 2016 թվականի հունիսի 14-ին Բակո Սահակյանի հրամանագրով Ջալալ Հարությունյանը նշանակվել է ԼՂՀ պաշտպանության բանակի N զորամասի հրամանատար[5][6][7]։
2018 թ. դեկտեմբերի 14-ին ԱՀ նախագահի հրամանագրով նշանակվել է ՊԲ հրամանատարի առաջին տեղակալ-շտաբի պետ:
2020 թվականին Արցախի Հանրապետության Նախագահ Բակո Սահակյանի հրամանագրով գեներալ-մայոր Ջալալ Հարությունյանը նշանակվել է Արցախի Հանրապետության պաշտպանության նախարար–պաշտպանության բանակի հրամանատար՝ ազատվելով Արցախի Հանրապետության պաշտպանության բանակի հրամանատարի առաջին տեղակալ-շտաբի պետի պաշտոնից[3]։
Կոչումներ և պարգևներ
2019 թվականի հուլիսի 8-ին Արցախի Հանրապետության նախագահ Բակո Սահակյանի հրամանագրով պաշտպանության բանակի շտաբի պետ Ջալալ Հարությունյանին շնորհվել է գեներալ-մայորի կոչում։
Ծանոթագրություններ
- ↑ «Ջալալ Հարությունյանը գեներալ-մայորի կոչում է ստացել».
- ↑ «Արցախի ՊԲ հրամանատարի առաջին տեղակալ-շտաբի պետ Ջալալ Հարությունյանին գեներալ-մայորի զինվորական կոչում է շնորհվել».
- ↑ 3,0 3,1 «Ջալալ Հարությունյանը նշանակվել է Արցախի պաշտպանության նախարար».
- ↑ Ջալալ Հարությունյան
- ↑ Գեներալ-մայոր Ջալալ Հարությունյանը նշանակվել է Պաշտպանության նախարար – պաշտպանության բանակի հրամանատար
- ↑ «Ջալալ Հարությունյանը նշանակվել է զորամասի հրամանատար».
- ↑ «Ջալալ Հարությունյանը նշանակվել է ՊԲ հարավային ուղղության միավորման հրամանատար».