Գևորգ Բաղդասարյան

Գևորգ Երվանդի Բաղդասարյան
Ծնվել է	հունվարի 26, 1936 (88 տարեկան); Հայաստան Ծաղկահովիտ, Արագածոտնի մարզ
Մահացել է	նոյեմբերի 5, 2023 (87 տարեկան)
Քաղաքացիություն	ԽՍՀՄ և Հայաստան
Ազգություն	Հայ
Մասնագիտություն	մեխանիկոս
Հաստատություն(ներ)	ՀՀ ԳԱԱ Մեխանիկայի ինստիտուտ; ՀՊՄՀ
Գործունեության ոլորտ	analytical mechanics?
Ալմա մատեր	Երևանի պետական համալսարան
Գիտական աստիճան	ֆիզիկամաթեմատիկական գիտությունների դոկտոր, պրոֆեսոր, ակադեմիկոս և տեխնիկական գիտությունների դոկտոր
Պարգևներ	Հայաստանի Հանրապետության գիտության վաստակավոր գործիչ և Պողոսյան մրցանակ

Գևորգ Երվանդի Բաղդասարյան (հունվարի 26, 1936(1936-01-26), Հաջի-Խալիլ, Հայաստան - նոյեմբերի 5, 2023(2023-11-05)^[1]), մեխանիկոս։ Ֆիզմաթ գիտությունների դոկտոր (1978), պրոֆեսոր (1983), ՀՀ ԳԱԱ ակադեմիկոս (1994), թղթակից անդամ (1990), ՀՀ գիտության վաստակավոր գործիչ^[2]:

Կենսագրություն

1958 թվականին ավարտել Է Երևանի պետական համալսարանի ֆիզիկամաթեմատիկական ֆակուլտետը։ 1958-1964 թվականներին եղել է ՀԽՍՀ ԳԱ մեխանիկայի ինստիտուտի գիտաշխատող, 1964-1979 թվականներին` առաջատար գիտաշխատող, 1978-1998 թվականներին` մագնիսաառաձգականության բաժնի վարիչ, 1978-1979 թվականներին` ինստիտուտի տնօրեն, 1988-2001 թվականներին` ԵՊՀ մաթեմատիկական մեթոդների և մոդելավորման ամբիոնի վարիչ, 1992-1994 թվականներին` կիրառական մաթեմատիկայի և ինֆորմատիկայի ֆակուլտետի դեկան, 1994-1998 թվականներին` Խաչատուր Աբովյանի անվան ՀՊՄՀ ռեկտոր, 1998-2002 թվականներին` ՀՀ բարձրագույն որակավորման հանձնաժողովի նախագահ, 2002-2007 թվականներին` ԵՊՀ ռեկտորի խորհրդական։ 2007 թվականից ԵՊՀ մաթեմատիկական մեթոդների և մոդելավորման ամբիոնի պրոֆեսոր է։ Ավելի քան 200 գիտական աշխատությունների հեղինակ է։ Նրա ղեկավարությամբ ու խորհրդատվությամբ պաշտպանվել են շուրջ երկու տասնյակ թեկնածուական և դոկտորական ատենախոսություններ^[3]:

Ռուսաստանի Դաշնության տեսական և կիրառական մեխանիկայի ազգային կոմիտեի արտասահմանյան անդամ է։

Գործունեություն

Աշխատանքները վերաբերում են շերտավոր անիզոտրոպ սալերի և թաղանթների ոչ գծային ստիպողական պարամետրական և ֆլատերային տատանումների հետազոտմանը։ Կառուցել է հաղորդիչ բարակ մարմինների մագնիսաառաձգական տեսություն, մշակել պիեզոմագնիս միջավայրերում մագնիսաձայնային ալիքների տարածման տեսական հիմքերը^[4]:

Պարգևներ

ՀՊՄՀ «Խաչատուր Աբովյան», մեդալ, 2010
Հայաստանի Հանրապետության գիտության վաստակավոր գործիչ (2010)^[5]
ՀՀ վարչապետի հուշամեդալ (2012)
ՀՀ Նախագահի մրցանակ (2017) ^[6]

Երկեր

Ծանոթագրություններ

↑ ^1,0 ^1,1 ^1,2 ՄԱՀԱՑԵԼ Է ԳԵՒՈՐԳ ԲԱՂԴԱՍԱՐՅԱՆԸ
↑ ՀՀ ԳԱԱ, Իսկական անդամներ (Ակադեմիկոսներ), Բաղդասարյան Գևորգ
↑ Բաղդասարյան Գևորգ Երվանդի
↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
↑ ՀՀ գիտության վաստակավոր գործչի պատվավոր կոչում շնորհելու մասին
↑ «Գևորգ Բաղդասարյան». www.presidentprize.am (անգլերեն). Վերցված է 2019-06-12-ին.

[_ee901fb5ced8acaf-1] 1,0 ^1,1 ^1,2 ՄԱՀԱՑԵԼ Է ԳԵՒՈՐԳ ԲԱՂԴԱՍԱՐՅԱՆԸ

[2] ՀՀ ԳԱԱ, Իսկական անդամներ (Ակադեմիկոսներ), Բաղդասարյան Գևորգ

[3] Բաղդասարյան Գևորգ Երվանդի

[4] Ով ով է. Հայեր. Կենսագրական հանրագիտարան, հատոր առաջին, Երևան, 2005.

[5] ՀՀ գիտության վաստակավոր գործչի պատվավոր կոչում շնորհելու մասին

[6] «Գևորգ Բաղդասարյան». www.presidentprize.am (անգլերեն). Վերցված է 2019-06-12-ին.

[1]

[2]

[3]

[4]

[5]

[6]