Sing for You, հարավկորեականEXOբոյ բենդի չորրորդ մինի ալբոմն է՝ կորեական և չինական տարբերակներով։ Այն թողարկվել է S.M. Entertainment-ի կողմից կորեական և չինական տարբերակներով 2015 թվականի դեկտեմբերի 10-ին։ Ալբոմը դարձել է ռեկորդային, որպես ամեավաճառված ալբոմը Hanteo-յում հարավկորեական ալբոմների վաճառքների պատմության մեջ[1], մինչև նրան չհասավ Exo խմբի երրորդ ստուդիական EX'ACT ալբոմը՝ 2016 թվականի հունիսին[2]։
2015 թվականի նոյեմբերի 24-ին EXO-ն հաստատել է այն լուրը, որ նրանք թողարկում են իրենց երկրորդ ձմեռային հատուկ ալբոմը, Miracles in December ալբոմից (2013) հետո[3]։ Թիզեր լուսանկարները ալբոմի համար սկսել են թողարկել դեկտեմբերի 2-ից։ Ալբոմի երգացանկը իր մեջ ընդգրկում է չորս նոր երգեր և բոնուս "Lightsaber" երգը, որը ավելի վաղ թողարկվել է որպես սինգլ նոյեմբերին, հայտարարվել է դեկտեմբերի 7-ին։ Վերջապես, մինի ալբոմը թողարկվել է թվային և ֆիզիկական տարբերակներով դեկտեմբերի 10-ին։
2015 թվականի դեկտեմբերի 10-ին, «Sing for You» ալբոմի թողարկումից կարճ ժամանակ անց, EXO խումբը համերգ անցկացրեց 1500 լսարանում, ալբոմի աջակցության համար Lotte World-ում Սեուլ, Հարավային Կորեա։ Հանդիպումը ցուցադրվել է ուղիղ եթերով՝ V բջջային հավելվածի միջոցով, որից հետո սահմանեց ռեկորդ, որպես ամենաշատ դիտված ուղիղ եթերը հավելվածում[4]։ Exo-ն սկսեց ելույթ ունենալ "Sing for You" և "Unfair" երգերով կորեական երաժշտական շոուներում դեկտեմբերի 12-ից մինչ 18-ը[5][6]։ Նրանք նաև ավելացրել են այս երգերը իրենց երկրորդ միանձնյա The Exo'luxion շրջագայության երգացանկին, որը սկսվել է 2016 թվականի հունվարի 9-ին Սինգապուրում։
2015 թվականի նոյեմբերի 4-ին EXO-ն հայտարարել է «Lightsaber» գովազդային երգի թողարկման մասին «Աստղային պատերազմներ։ Էպիզոդ VII։ Ուժի արթնացում» ֆիլմի համար Հարավային Կորեայում, S. M. Entertainment-ի և Walt Disney-ի համագործակցման շրջանակներում[7]։ Երգի տեսահոլովակի թիզերը թողարկվել է նոյեմբերի 8-ին[8], որին հաջորդում է երաժշտական տեսահոլովակի և թվային ներբեռնման թողարկումը՝ նոյեմբերի 11-ին[9]։ "Lightsaber" երգը, ինչպես հետագայում հայտարարվել է, ավելացվել է «Sing for You» ալբոմին, որպես բոնուսային երգ դեկտեմբերի 7-ին։ Exo-ն երգն առաջին անգամ կատարել է 17th Mnet Asian Music Awards մրցանակաբաշխության ժամանակ։ Երգը զբաղեցրել է 9-րդ հորիզոնականը Gaon թվային հիթ շքերթում[10]։
Ալբոմի գլխավոր "Sing for You" երգի թիզերը թողարկվել է դեկտեմբերի 8-ին[11][12]։ Երգը թողարկվել է մինի ալբոմի և երաժշտական տեսահոլովակի հետ միասին դեկտեմբերի 10-ին։ Այն զբաղեցրել է 3-րդ հորիզոնականը Gaon թվային հիթ շքերթում[13] և արժանացել է «եռակի թագի», երեք անգամ հաղթելով առաջին հորիզոնականը KBS հեռուստաալիքի Երաժշտական բանկ շոուում։
Երկու տարբերակները միավորած, «Sing for You» ալբոմը սահմանեց ռեկորդ, որը նախկինում պատկանում էր EXO խմբի երկրորդ ստուդիական «Exodus» ալբոմին, որպես ամենաշատ վաճառված ալբոմ թողարկման առաջին շաբաթում, արձանագրված կորեական ալբոմների իրացման դիտարկման Hanteo կայքում՝ ավելի քան 267 900 կրկնօրինակներով[1]։ Առանձին, ալբոմի երկու տարբերակներն էլ՝ կորեական և չինականը, առաջնաելույթ են կատարել 1-ին և 2-րդ տեղերում Gaon-ի ամենշաբաթյա և ամենամսյա ալբոմների հիթ շքերթներում[14][15], իսկ հետագայում զբաղեցրել են 2-րդ և 7-րդ հորիզոնականները, համապատասխանաբար 2015 թվականի ալբոմների ամենամյա հիթ շքերթում[16]։