«Drop That Kitty», ամերիկացի հիփ հոփ երգիչ Ty Dolla Sign-ի երգը, որում իրենց մասնակցությունն ունեն նաև անգլիացի երգչուհի Չարլի ԷքսՍիԷքսը և ամերիկացի երգչուհի Թինաշեն։ Այն որպես սինգլ թողարկվել է 2015 թվականի փետրվարի 17-ին[1]։ Երգի պրոդյուսերներն են Stargate դուետը և Cashmere Cat-ը։
Երգը հիմնականում ստացել է դրական արձագանքներ երաժշտական քննադատների կողմից, որոնցից շատերը այն համեմատել են ավստրալիացի ռեփեր Իգի Ազալիայի«Fancy» երգի հետ[2], որում Չարլի ԷքսՍիԷքսը նույնպես ունեցել է իր մասնակցությունը։
2015 թվականի հունվարին Ty Dolla Sign-ը հայտարարում է, որ իր դեբյուտային ալբոմի համար համագործակցել է երգչուհիներ Չարլի ԷքսՍիԷքսի և Թինաշեի հետ։ Հաջորդ ամիս համացանցում հայտնվում են տեսահոլովակի նկարահանման ընթացքի լուսանկարները, որոնցից մի քանիսում երևում են նաև ռեփեր Վիզ Խալիֆան և երգչուհի Կեկե Պալմերը[3]։ Երգի պրեմիերան կայանում է փետրվարի 16-ին[4], իսկ հաջորդ օրը այն թողարկվում է որպես սինգլ[1]։ Չնայած ի սկզբանե երգը պետք է ընդգրկվեր Թայի «Free TC» ալբոմում, սակայն ավելի ուշ դուրս մնաց ալբոմի վերջնական երգացանկից։
Երգի տեսահոլովակը, որի ռեժիսորն է Շոմի Փաթուերին, նկարահանվել է 2015 թվականի փետրվարին Լոս Անջելեսում[3]։ Տեսահոլովակի պրեմիերան կայացել է ապրիլի 15-ին, 2015[5]։
2015 թվականի ապրիլի 12-ին Ty Dolla Sign-ը, Չարլի ԷքսՍիԷքսն ու Թինաշեն երգը կատարել են MTV Movie Awards կինոմրցանակաբաշխության ժամանակ, որը անցկացվել է Լոս Անջելեսի «Նոկիա» թատրոնում[6]։ 2015 թվականի մայիսի 16-ին Ty-ը և Թինաշեն կատարել են երգը Power 106 ռադիոկայանի կողմից կազմակերպված Powerhouse համերգի ժամանակ[7]։