Օրանժ Արմենիա

Վիքիպեդիայից՝ ազատ հանրագիտարանից
Օրանժ Արմենիա
Orange logo.svg
Տեսակը Փակ բաժնետիրական ընկերություն
Հիմնադրվել է 2009
Հիմնադիր(ներ) Օրանժ
Գլխամասերը {{{2}}} Հայաստան, Երևան
Գլխավոր անձինք Ֆրանսիս Ժելիբտեր
(գլխավոր տնօրեն)
Արտադրանք Բջջային օպերատոր, շարժական ինտերնետ
Հասույթ 22,885,669,000 ֏[1]
Աշխատողների թիվը 800
Parent Օրանժ
Սեփականատեր Օրանժ
Վեբ-կայքը www.orangearmenia.am


Օրանժ Արմենիա, հեռահաղորդակցման ընկերություն, Հայաստանում բջջային կապի լիցենզիա ունեցող երեք ընկերություններից մեկը։ Ընկերությունը ներկայացնում է բջջային կապի (GSM (3G)), լայնաշերտ ինտերնետի և բջջային հեռուստատեսության ծառայություններ։ 2013 թ. սկզբից նախատեսում է տրամադրել ֆիքսված հեռախոսակապի ծառայություններ։ Հայաստանում առաջին օպերատորն է, որը թողարկել է HD Voice տեխնոլոգիան։ Օրանժի ծածկույթը հասանելի է ՀՀ տարածքի 95%-ի վրա։ 2012 թ. հուլիսի դրությամբ օպերատորն ունի շուրջ 640.000 ակտիվ բաժանորդ։[2] Ընկերության ստեղծման օրվանից գլխավոր տնօրենն էր Բրունո Դյութուան, որին 2012 թ. սեպտեմբերի 3-ին փոխարինեց Ֆրանսիս Ժելիբտերը,[3] ով աշխատում է Ֆրանս Տելեկոմ ընկերությունում շուրջ 16 տարի, երկար ժամանակ ղեկավարել է Օրանժ Մոլդովա ընկերությունը, իսկ վերջին 4 տարիների ընթացքում զբաղեցրել է Ֆրանս Տելեկոմ խմբի Եվրոպական շուկաների Գնումների և Մատակարարման բաժնի ղեկավարի պաշտոնը։

Օրանժ Արմենիան ունի 2 ցանցային կոդ` 55 և 95 (միջազգային ֆորմատով +374 55 XXXXXX, +374 95 XXXXXX)։

Ըստ 2012 թվականի ամռանն անցկացված հարցումների՝ ընկերությունը Հայաստանի լավագույն ինտերնետ-պրովայդերների ցանկում զբաղեցնում է երկրորդ տեղը։[4]

Արտաքին հղումներ[խմբագրել]

Ծանոթագրություններ[խմբագրել]