Օդապարուկը, որ հասավ լուսին
Օդապարուկը, որ հասավ լուսին | |
---|---|
Հեղինակ | Evelyn Sharp? |
Տեսակ | պատմվածք |
Ժանր | մանկական գրականություն |
Բնօրինակ լեզու | անգլերեն |
Հրատարակիչ | Ջոն Լեյն |
Հրատարակված է | The Other Side of the Sun? |
Հրատարակման տարեթիվ | 1900 |
Օդապարուկը, որ հասավ լուսին (անգլ.՝ The Kite That Went to the Moon), հեքիաթ, որը գրվել է Էվելին Շարփի կողմից։ Այն հրապարակվել է 1900 թվականին, որպես Արևի մյուս կողմը կարճ պատմվածքների հավաքածուի մաս[1]։
Սյուժե[խմբագրել | խմբագրել կոդը]
Մի երիտասարդ տղա, ում անունը Ջերրի է, իր իսկ ձեռքերով պատրաստում է իրենց գյուղի ամենամեծ օդապարուկը։ Նրա ընկեր Չաբին՝ փայտագործի դուստրը, նկարում է լուսին և մի քանի աստղեր օդապարուկի վրա։ Ջերրին հպարտ է իր օդապարուկով և գնում է դաշտ, որպեսզի թռցնի այն դեպի լուսին։ Նա փորձում ցերեկը է թռցնել օդապարուկը, երբ բոլոր տղաները և աղջիկները նայում էին, բայց, ցավոք սրտի, օդապարուկը չի հաջողվում թռցնել։ Ջերրին իրեն պարտված և շփոթված է զգում, քանի որ գյուղի երեխաները ծիծաղում են նրա վրա, և նա գնում է Չաբիին փնտրելու։ Ջերրին և Չաբին միասին վերցնում են օդապարուկը և շարունակում են գնալ որոնման, որպեսզի գտնեն մեկին, ով կասի, թե ինչու Ջերրիի օդապարուկը չի թռչում։
Երբ այդ երկուսը ճանապարհ են ընկնում դեպի անտառներ, Չաբին սաստիկ սովածանում է և ստիպում է Ջերրիին ուտելու որևէ բան գտնել։ Իր որոնման ժամանակ նա հանդիպում է մի առեղծվածային մարդու, ում պարկի մեջ կար աշխարհում ամեն ինչ, այսպիսով Ջերրին Չաբիի համար ուտելիք է խնդրում։ Առեղծվածային մարդը Ջերրիին տալիս է մի տորթ, որը ունի նրա համը, ինչը որ ուտողը կուզի, և այն վերականգնվում է, երբ ուտողը կծում է այն։ Այնուամենայնիվ, երբ Ջերրին վերադառնում է Չաբիի մոտ նրա համար ուտելիք գտնելուց հետո, երեխաները նկատում են, որ օդապարուկը չկա։ Գիշերն սկսվել է, մութ է։ Այս ժամանակ Ջերրին և Չաբին հանդիպում են մեկ ուրիշ առեղծվածային արարածի, որը կոչվում է վիմպ։ Վիմպը հայտնվում է հանկարծակիորեն և բացատրում երեխաներին, որ օդապարուկը չի հաջողվել թռցնել, քանի որ ցերեկ էր և չկար լուսինը։ Ջերրին խնդրում է վիմպին տանել նրանց լուսին, որպեսզի տեսնեն օդապարուկը, և վիմպը համաձայնում է։
Երկու երեխաները և վիմպը վարում են տիեզերաքար մինչև լուսին, որտեղ նրանք գտնում են Ջերրիի օդապարուկը և հանդիպում շողացող և նուրբ Լուսնի Օրիորդին։ Վիմպը անհետանում է, քանի որ վախեցած է Լուսնի Օրիորդից։ Լուսնի խիստ Օրիորդն ուրախությամբ չի ընդունում երեխաներին, ովքեր մտել էին իր տարածք, և խնդրում է հեռանալ։ Մինչ մայրամուտը երեխաները օդապարուկով վերադառնում են տուն և ցույց տալիս բոլոր երեխաներին գյուղում, որ օդապարուկը իրոք կարող էր թռչել։ Օդապարուկը, այնուամենայնիվ, վերադառնում է երկինք և շարունակում է տիեզերաքար հիշեցնել։
Հեղինակի մասին[խմբագրել | խմբագրել կոդը]
Էվելին Շարփը ծնվել է 1869 թվականի օգոստոսի 4-ին, 9-րդն էր 11 երեխաներից։ Իր կյանքի ընթացքում նա եղել է լրագրող և կես դրույքով ուսուցիչ։ 1955 թվականին իր կյանքի ավարտին Շարփը հրապարակել է շուրջ 30 գրքեր, ներառյալ «Ամբողջ ճանապարհը դեպի կախարդական աշխարհ» (1898), «Փրինգ անելով» (1897) և «Արևի մյուս կողմը» գրքերը (1900)։
Կերպարներ[խմբագրել | խմբագրել կոդը]
«Օդապարուկը, որ հասավ լուսին» գիրքը ուներ 4 կերպար․ Ջերրի, Չաբի, վիմպ և Լուսնի Օրիորդը։ Ջերրին այն երիտասարդ տղան է, որը պատրաստում է գյուղի ամենամեծ օդապարուկը։ Չաբին փայտագործի դուստրն ու Ջերրիի ընկերն է։ Այդ նա էր, որ նկարել էր լուսինը և աստղերը Ջերրիի օդապարուկի վրա։ Վիմպը առասպելական արարածն է, ում Ջերրին և Չաբին հանդիպում են իրենց երկար ճանապարհորդության ժամանակ։ Այդ վիմպն է բացատրում Ջերրիին, թե ինչու իր օդապարուկը ի սկզբանե չի թռել և հասցնում նրանց լուսին։ Լուսնի Օրիորդը վերջին կերպարն է, ում Ջերրին և Չաբին հանդիպում են իրենց ճանապարհորդության ընթացքում․ նա խիստ, բայց արդար կերպար է, ով զայրացած էր Ջերրիի և Չաբիի վրա՝ իր երկիր մտնելու համար։
Հրատարակություն[խմբագրել | խմբագրել կոդը]
«Օդապարուկը, որ հասավ լուսին» գիրքը գրվել է 1899 թվականին և 1-ին անգամ հրատարակվել է Ջոն Լեյնի կողմից Բոդլի Հեդում, Լոնդոն և Նյու Յորք քաղաքներում 1900 թվականին, Էվելին Շարփի «Արևի մյուս կողմը» հեքիաթների գրքում (1869-1955)։
Ծանոթագրություններ[խմբագրել | խմբագրել կոդը]
- ↑ Sharp, Evelyn. The Other Side of the Sun: Fairy Stories. London, John Lane, 1900. Print. pg 163–188.
Աղբյուրներ[խմբագրել | խմբագրել կոդը]
- Sharp, Evelyn. The Other Side of the Sun: Fairy Stories. London, John Lane, 1900. Print. pg 163–188.
- Evelyn Sharp Biography