Քինգ Վիդոր

Քինգ Վիդոր
կինոռեժիսոր, սցենարիստ
ԱԱՀ՝	Քինգ Վիդոր
Ծննդյան օր՝	8 փետրվար 1894
Ծննդավայր՝	Գալվեստոն, Տեխաս, ԱՄՆ
Վախճանի օր՝	1 նոյեմբերի 1982
Վախճանի վայր՝	Պասո Ռոբլես, Կալիֆորնիա, ԱՄՆ
Քաղաքացիություն՝	ԱՄՆ
Ամուսին՝	Էլինոր Բորդման Ֆլորենս Վիդոր
Կայք՝	IMDb-ում էջ

Քինգ Ուելլիս Վիդոր (անգլ.՝ King Wallis Vidor; փետրվարի 8 1894—նոյեմբերի 1 1982), ամերիկացի ռեժիսոր, սցենարիստ:

Քինգ Վիդորը ծնվել է 1894 թվականին ԱՄն-ում: Դպրոցն ավարտելուց հետո հեռացել է տնից: Մեկ տարի անց վերադարձել է տուն և ծնողները ուղարկել են նրան սովորելու ռազմական ակադեմիա: 1915 թվականին տեղափոխվել է Հոլիվուդ, որտեղ սկսել է աշխատել կինոխրոնիկայում: Աշխատել է կինոյում որպես տոմսավաճառ, ապա փորձել է իր կինեմատոգրաֆիական հմտությունները աշխատելով որպես կինոժապավենի երևակող, կինոմեխանիկ, օպերատոր, մոնտաժող ապա նաև ռեժիսոր:

Երկու անգամ ամուսնացած է եղել, ուենեցել 3 երեխա: 1926-1931 թվականը դերասանուհի Էլինոր Բորդմանի հետ (երկու դուստր), ումից բաժանվելուց հետո ամուսնացել է Ֆլորին Վիդորի հետ (նորից ամուսնալուծվել է, 1 երեխա):

Կարիերան

1918 թվականին նկարահանել է իր առաջին ֆիլմը` «Ճանապարհի շրջադարձ»: 1926 թվականին նկարահանել է իր նշանավոր ֆիլմերից մեկը` «Մեծ շքերթ»: 1928 թվականին նկարահանել է ևս մեկ իր հայտնի ֆիլմ` «Ամբոխ», իսկ մինչ այդ նկարահանել է 2 զվարճալի ֆիլմ: Նրա մյուս հայտնի ֆիլմերից են «Մենամարտ արևի տակ» և «Պատերազմ և խաղաղություն»:

Քինգ Վիդորը համարվում է ամերիկյան կինեմատոգրաֆիայի հիմնադիրներից մեկը: Նա ամերիկյան ռեժիսորներից առաջին հնչյունային ֆիլմերի հեղինակներից մեկն է: Նրա առաջին հնչյունային ֆիլմը «Ալելուիա» ֆիլմն էր, որտեղ Հոլիվուդի պատմության մեջ առաջին անգամ նկարահանվեցին սևամորթ դերասաններ:

Ֆիլմագրություն

Ընդհանուր առմամբ մոտ 75 ֆիլմի ռեժիսոր է, 27 ֆիլմերի սցենարի հեղինակ, 23 ֆիլմերի պրոդյուսեր և խաղացել է նաև 4 ֆիլմում:
Առավել նշանավոր ֆիլմերն են.

• 1919 — Ճանապարհի շրջադարձ / The Turn in the Road
• 1919 — Ուրիշ կեսը / The Other Half
• 1920 — Ընտանիքի պատիվը / The Family Honor
• 1923 — Բրոնզե կինը / The Woman of Bronze
• 1923 — Երեք խելոք հիմարներ / Three Wise Fools
• 1924 — Վայրի նարինջ / Wild Oranges
• 1924 — Երիտասարդ գինի / Wine of Youth
• 1924 — Նրա ժամը / His Hour
• 1924 — Կենտավրոսի կինը / The Wife of the Centaur
• 1925 — Մեծ շքերթ / The Big Parade
• 1926 — Բոհեմ / La Bohème
• 1926 — Բարդուղեմիոս Հիանալին / Bardelys the Magnificent
• 1928 — Ամբոխ / The Crowd
• 1928 — Արվեստի մարդիկ / Show People
• 1929 — Ալելիուա / Hallelujah!
• 1930 — Ոչ այնքան հիմար / Not So Dumb
• 1931 — Չեմպիոն / The Champ
• 1933 — Անծանոթուհու վերադարձը / The Stranger’s Return
• 1935 — Ամուսնական գիշեր / The Wedding Night
• 1936 — Տեխասյան ռեյնջերներ / The Texas Rangers
• 1937 — Ստելլա Դալլաս / Stella Dallas
• 1938 — Ցիտադել / The Citadel
• 1940 — Հյուսիս-արևմտյան անցում / Northwest Passage
• 1940 — Ընկեր Իքս / Comrade X
• 1946 — Մենամարտ արևի տակ / Duel in the Sun
• 1949 — Աղբյուր / The Fountainhead
• 1949 — Անտառի հետևում / Beyond the Forest
• 1955 — Մարդ առանց աստղի / Man Without a Star
• 1956 — Պատերազմ և խաղաղություն / War and Peace
• 1959 — Սողոմոնը և Սաբայի թագուհին / SolomonandSheba