Քարահանքի թաղամաս
Երկիր | Հայաստան |
---|---|
Կարգավիճակ | թաղամաս |
Մտնում է | Երևանի Կենտրոն վարչական շրջանի մեջ |
Քարահանք՝ հին Երևանի թաղերից մեկը։ Այն գտնվում էր քաղաքի հարավարևելյան մասում ու կենտրոնական՝ Շահար թաղամասից բաժանվում էր ներկայիս Նալբանդյան փողոցով։ 19-րդ դարի դրությամբ մոտավորապես զբաղեցնում էր ներկայիս Նալբանդյան — Չարենց — Նար-դոս — Արշակունյաց — Անգլիական այգի տարածքը։
Ժամանակին հայերը դա անվանել են Քարահանքի թաղ՝ տեղի քարահանքի պատճառով։ Ինչպես շատ թաղերի անունները, այնպես էլ Քարահանքի թաղի անունը պարսից տիրապետության օրոք՝ փոխվեց և կոչվեց «Դամըռ–Բուլաղ»՝ պարսկերեն՝ «երկաթ-աղբյուր»։ Երևանի այդ մասում եղած աղբյուրի ջրերը՝ երկաթի բաղադրություն էին պարունակում։ Դամըռ-Բուլաղը հայտնի էր նաև իր այգիներով։
Հիմնադրվել է 1603 թվականին Պարսկաստանից ներգաղթած թյուրքական ցեղերի կողմից[1]։
Դամըռ-Բուլաղի այգիներից բացի Երևանը շրջապատում էին Կոնդի, Դալմայի այգիները, Սարդարի բաղը և այլն։ Այգիների գոյությունը պայմանավորված էր բնական բարենպաստ պայմաններով՝ ջերմություն, հող և ջուր։
Քարահանքում եկեղեցիներ չեն կառուցվել, ու բնակչությունը գրեթե ամբողջովին եղել է մուսուլմանաբնակ։ Թաղամասում կառուցվել է 4 մզկիթ՝ Մահմադ Սարդիպ խանի մզկիթ, Հաջի Նովրուզ Ալի Բեկի մզկիթ, Հաջի Ջաֆարի մզկիթ ու Դեմիրբուլաղի մզկիթ։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Երևան քաղաքի պատմության թանգարան. Երևանի տարեգրությունը.