Տեր Հուսիկ Լազարյան

Տեր Հուսիկ Լազարյան
Ծնվել է	փետրվարի 23, 1955(1955-02-23)
Ծննդավայր	Երևան, Հայկական ԽՍՀ, ԽՍՀՄ
Մահացել է	փետրվարի 19, 2015(2015-02-19) (59 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ և  Հայաստան
Կրթություն	Երևանի պետական համալսարան
Մասնագիտություն	քաղաքական գործիչ
Զբաղեցրած պաշտոններ	Հայաստանի Ազգային ժողովի պատգամավոր

Տեր-Հուսիկ (Գարուշ) Բենիկի Լազարյան (փետրվարի 23, 1955(1955-02-23), Երևան, Հայկական ԽՍՀ, ԽՍՀՄ - փետրվարի 19, 2015(2015-02-19), Երևան, Հայաստան), հայ հոգևորական, քաղաքական գործիչ, Հայաստանի Հանրապետության Ազգային ժողովի նախկին պատգամավոր։

Կենսագրություն

Ծնվել է 1955 թվականի փետրվարի 23-ին` Երևան քաղաքում։ 1974–1979 թվականներին սովորել է Երևանի Պետական համալսարանի բանասիրական ֆակուլտետում։ 1979-1982 թվականներին սովորել է Գևորգյան հոգևոր ճեմարանում, ստացել սարկավագի, իսկ 1984 թվականին՝ քահանայի հոգևոր աստիճան։ 1981-1987 թվականներին որպես ուսումնական գծով պատասխանատու աշխատել է հոգևոր ճեմարանում, որից հետո նշանակվել է Աշտարակի ս.Մարինե եկեղեցու քահանա։ 1994 թվականին ընտրվել է Ուղղափառ երկրների պառլամենտական քարտուղարության անդամ։ 1988 թվականից ակտիվորեն մասնակցել է Արցախյան շարժմանը։ 1990–1995 թվականներին ՀՀ Գերագույն Խորհրդի, իսկ 1995–1999 թվականներին` ՀՀ ԱԺ պատգամավոր։ 1997 թվականի նոյեմբերից մինչև 1998 թվականի փետրվար զբաղեցրել է ՀՀ ԱԺ գիտության, կրթության, մշակույթի և երիտասարդության հարցերի մշտական հանձնաժողովի նախագահի պաշտոնը։ 1992–1997 թվականներին եղել է ՀՀՇ Վարչության նախագահը։

Մահացել է սրտամկանի ինֆարկտից, 2015 թվականի փետրվարի 19–ին։

Արտաքին հղումներ

• Վախճանվել է Տեր-Հուսիկ քահանա Լազարյանը(չաշխատող հղում)
• Лазарян Тер-Усик Беникович