Վրույր Սարգսյան
Վրույր Սարգսյան | |
---|---|
Ծնվել է | դեկտեմբերի 27, 1935 (88 տարեկան) Միկոյանի շրջան, Հայկական ԽՍՀ, ԱԽՖՍՀ, ԽՍՀՄ |
Բնակության վայր(եր) | Մոսկվա |
Մասնագիտություն | ճարտարագետ |
Ալմա մատեր | Հայաստանի ազգային ագրարային համալսարան |
Գիտական աստիճան | տեխնիկական գիտությունների դոկտոր և պրոֆեսոր |
Պարգևներ |
Սարգսյան Վրույր Սարգսի (դեկտեմբերի 27, 1935, Միկոյանի շրջան, Հայկական ԽՍՀ, ԱԽՖՍՀ, ԽՍՀՄ), հայ խորհրդային ինժեներ։ Տեխնիկական գիտությունների դոկտոր, պրոֆեսոր։
Կենսագրություն[խմբագրել | խմբագրել կոդը]
Ավարտել է Հայկական գյուղատնտեսական ինստիտուտը։ 1965-1982 թվականներին աշխատել է Մոսկվայում։ 1965-1969 թվականներին՝ Ջրատնտեսական շինարարության նախագծահետախուզական և գիտահետազոտական համամիութենական պետական ինստիտուտում, 1969-1982 թվականներին՝ Ջրամատակարարման, կոյուղու, հիդրոտեխնիկական կառույցների և ինժեներական հիդրոերկրաբանության համամիութենական ԳՀԻ-ում եղել է ավագ գիտաշխատող։ 1982 թվականից՝ Երևանի պոլիտեխնիկ ինստիտուտի հիդրոտեխնիկական կառույցների ամբիոնի պրոֆեսոր։ Աշխատությունները վերաբերում են ինժեներական հիդրոերկրաբանությանը, հիդրոտեխնիկական կառույցներին, հողերի հիդրոտեխնիկական մելիորացիայի, ստորգետնյա ջրերի պաշարների հաշվարկման ինչպես նաև դրանց օգտագործման և ջերմային ռեժիմի կանխատեսման, աղուտային հողերի յուրացման հարցերին։ Սարգսյանը ձևակերպել է բնական գրունտների մեջ տարբեր խտությամբ և մածուցիկությամբ հեղուկների(գազերի) շարժման հիմնական հավասարումները և սահմանային պայմանները, տվել դրանց լուծումները։
Պարգևներ[խմբագրել | խմբագրել կոդը]
2015 թ. մայիսի 23-ին ՀՀ Նախագահի հրամանագրով պարգևատրվել է Անանիա Շիրակացու մեդալով[1]։
Ծանոթագրություններ[խմբագրել | խմբագրել կոդը]
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 226)։ |