Վնասատու
Վնասատու, կենդանատեսակ, որը վնաս է հասցնում մարդու առողջությանը կամ նրա տնտեսությանը[1]. Վնասատուները նվազեցնում են մշակաբույսերի բերքատվությունը և դրա որակը՝ դրանով իսկ պատճառելով հսկայական տնտեսական վնաս։ Հայտնի են ավելի քան 60 հազար վնասատուների տեսակներ, որոնք առավելապես միջատներ են, տզեր, խխունջներ, թռչուններ և կաթնասուններ։ Առավելագույն թվով վնասատուները հանդիպում են միջատների շրջանում՝ մոտ 10%։
Դասակարգվում են ըստ հասցրած վնասի[խմբագրել | խմբագրել կոդը]
Գիշատիչներ[խմբագրել | խմբագրել կոդը]
Սրանք այն կենդանիներն են, որոնք վնաս են հասցնում գյուղատնտեսական կենդանիներին, հազվադեպ նաև մարդուն։
Գյուղատնտեսական բույսերի վնասատուներ[խմբագրել | խմբագրել կոդը]
Կենդանիներ, որոնք վնասում են մշակաբույսերին, դրանց բերքին։ Այս կենդանիների թվին առաջին հերթին դասվում են միջատները, քանի որ ամենաշատ վնասն են պատճառում, ինչը պայմանավորված է նրանց կենսաբանական առանձնահատկություններով, բազմազանությամբ, բարձր պտղաբերությամբ և արագ բազմացմամբ։ Մշակաբույսերին վնասում են նաև տզերը, կակղամորթերը, որոշ կլոր որդեր, և մի շարք ողնաշարավոր կենդանիներ, հատկապես որոշ կրծողներ և թռչուններ[2].: Վնասատուները դասակարգվում են իրենց կողմից վնասվող բույսերի անվանումներով, օրինակ՝ հացահատիկային մշակաբույսերի վնասատուներ, պտղատու ծառերի վնասատուներ, անտառի վնասատուներ, ինչպես նաև պահեստի վնասատուներ և այլն։
Ծանոթագրություններ[խմբագրել | խմբագրել կոդը]
- ↑ ВРЕДИТЕЛИ // Большая медицинская энциклопедия
- ↑ Сельскохозяйственная энциклопедия, том 1, Третье издание. Москва, Государственное издательство сельскохозяйственной литературы, 1949