Վերա Խոլոդնայայի հուշարձան
 | |
|---|---|
 | |
 | |
| Տեսակ | հուշարձան |
| Ստեղծում | սեպտեմբերի 2, 2003 |
| Երկիր |  Ուկրաինա |
| Բնակավայր | Օդեսա |
| Նյութ | բրոնզ |
 Vera Kholodnaya monument Վիքիպահեստում | |
Վեռա Խոլոդնայայի հուշարձան (ռուս.՝ Па́мятник Ве́ре Холо́дной), համր կինոյի դերասանուհի Վերա Խոլոդնայայի բրոնզե հուշարձանը, որը կանգնեցվել է Օդեսայում (Պրեոբրաժենսկայա փողոցում՝ Մայր տաճարի հրապարակի մոտ)։
Հուշարձանի բացումը տեղի է ունեցել 2003 թվականին, Քաղաքի օրվա տոնակատարության ժամանակ, որը Օդեսայում նշվում է սեպտեմբերի 2-ին։ Հուշարձանի բացմանը ներկա է գտնվել դերասանուհու թոռնուհին՝ Լյուդմիլա Իվանովնա Սոկոլովան։ Մոնումենտալ կոմպոզիցիան իրենից ներկայացնում է Վերա Խոլոդնայայի մարդկային հասակով բրոնզե արձանը, որը տեղադրված է բեմի տեսքով բարձր պատվանդանին։ Հուշարձանը ստեղծել է օդեսացի քանդակագործ Ալեքսանդր Տոկարևը, որը մի շարք փոքր քանդակների հեղինակ է, որոնք զարդարում են Օդեսայի փողոցներն ու պուրակները[1]։
Վերա Խոլոդնայայի բրոնզե արձանը ձուլվել է Կիևի «Художник» մասնագիտացված ստեղծագործական ասոցիացիայում։ Սկզբում դերասանուհու ոտքերի տակ դրված է եղել բրոնզե ծաղկեփունջ[1]։ Վանդալները բազմիցս ոչնչացրել են կոմպոզիցիայի այս մանրամասնությունը, մի քանի անգամ գողացված բրոնզե ծաղիկները փոխարինվել են նորերով, բայց դրանք նորից անհետացել են[2]։
Հուշարձանը կանգնեցվել է դերասանուհու մահվան վայրում, որտեղ գտնվել է հետագա տարիներին քանդված Պապուդովի տան թևաշենքը։ Այդտեղ դերասանուհին բնակվել է մահից առաջ[1]։
Տես նաև[խմբագրել | խմբագրել կոդը]
Քանդակագործ Ալեքսանդր Տոկարևի կողմից ստեղծված մյուս հուշարձանները, որոնք տեղադրված են Օդեսայում`
- Ուտյոսովի հուշարձան
- Պուշկինի հուշարձան (Օդեսա, Պուշկինսկայա փողոց)
- Նավաստու կնոջ հուշարձան
- Սերգեյ Ուտոչկինի հուշարձան
- Գոցմանի հուշարձան
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 «Бронзовая королева экрана» (ռուսերեն). Информационный городской портал «Одесская жизнь». Արխիվացված է օրիգինալից 2013 թ․ հունվարի 7-ին. Վերցված է 2012 թ․ նոյեմբերի 8-ին.
- ↑ «В Одессе у памятника Вере Холодной второй раз оторвали бронзовый цветок» (ռուսերեն). Сегодня.ua. Արխիվացված օրիգինալից 2013 թ․ հունվարի 7-ին. Վերցված է 2012 թ․ նոյեմբերի 8-ին.