Վասիլի Շապտեբոյ
| Վասիլի Շապտեբոյ | |
|---|---|
 | |
| Անձնական տեղեկություն | |
| Սեռ՝ | արական |
| Մասնագիտացում՝ | հեծանվորդ, թեթևատլետ և դահուկորդ |
| Երկիր՝ |  Բելառուս |
| Ծննդյան ամսաթիվ՝ | նոյեմբերի 10, 1979 (44 տարեկան) |
| Ծննդավայր՝ | Մոգիլյով, Բելառուսական ԽՍՀ, ԽՍՀՄ |
Վասիլի Վասիլևիչ Շապտեբոյ[1] (բելառուս․՝ Васіль Васільевіч Шапцябой, նոյեմբերի 10, 1979, Մոգիլյով, Բելառուսական ԽՍՀ, ԽՍՀՄ), բելառուս մարզիկ, ձմեռային (դահուկավազք և բիաթլոն) և ամառային (հեծանվային սպորտ և թեթև ատլետիկա) Պարաօլիմպիկ խաղերի մասնակից, Բելառուսի Հանրապետության սպորտի վաստակավոր վարպետ։
2014 թվականին Սոչիում անցկացված Ձմեռային պարաօլիմպիկ խաղերի փակման արարողության ժամանակ եղել է Բելառուսի հավաքականի դրոշակակիրը։
Կենսագրություն[խմբագրել | խմբագրել կոդը]
Վասիլի Շապտեբայրը ծնվել է 1979 թվականի նոյեմբերի 10-ին։ Ունեցել է տեսողության բնածին խանգարում։
Դահուկավազքով զբաղվել սկսել է 1993 թվականին Բելառուսի Մոլոդեչնո քաղաքի՝ տեսողության խանգարումներ ունեցող երեխաների համար նախատեսված դպրոցում։
Հանդես է եկել «Դինամո» ակումբի կազմում, մարզվել է Օլիմպիական նախապատրաստման հանրապետական կենտրոնում սպորտի պարաօլիմպիկ ձևերի ուղղությամբ և Մոգիլյովի մարզի բարձրագույն սպորտային վարպետության դպրոցում։
Բնակվում է Մոգիլյովում, ամուսնացած է, ունի երեք դուստր՝ Անգելինան, Ալիսան և Աննան։
Ձեռքբերումներ[խմբագրել | խմբագրել կոդը]
Իր պարաօլիմպիկ կարիերան Վասիլի Շապտեբոյն սկսել է 2000 թվականին՝ Սիդնեյում (Ավստրալիա) անցկացված Պարաօլիմպիկ խաղերում, որտեղ նվաճել է բրոնզե մեդալ տղամարդկանց փոխանցավազքի T13 մրցավազքում։ 2004 թվականին նա մասնակցել է Աթենքում անցկացված Պարաօլիմպիկ խաղերին, որտեղ արժանացել է ոսկե մեդալների տանդեմով մրցավազքում և ժամանակով մրցավազքում թույլ տեսնողների համար։ Նա մասնակցել է 2012 թվականին Լոնդոնում անցկացված Պարաօլիմպիկ խաղերի հեծանվային սպորտի մրցումներին, բայց մեդալի չի արժանացել։
Ձմեռային Պարաօլիմպիկ խաղերին Վասիլիի Շապտեբոյն առաջին անգամ մասնակցել է 2006 թվականին Թուրինում (Իտալիա), որտեղ նվաճել է բրոնզե և արծաթե մեդալներ դահուկավազքում։ 2010 թվականին Վանկուվերում անցկացված Պարաօլիմպիկ խաղերում Վասիլի Շապտեբոյը նվաճել է երկու բրոնզե մեդալներ դահուկավազքում և բիաթլոնում[2]։ 2014 թվականին Սոչիում անցկացված Պարաօլիմպիկ խաղերում Վասիլի Շապտեբոյը երկու անգամ դարձել է բրոնզե մեդալակիր բիաթլոնում՝ 7,5 և 12,5 կմ մրցատարածություններում[3]։ Նա եղել է 2018 թվականին Փհենչհանում (Հարավային Կորեա) անցկացված Պարաօլիմպիկ խաղերի ամենափորձառու մասնակիցներից մեկը, բայց մրսել է մրցավազքից երկու օր առաջ, ինչը բացասաբար է անդրադարձել նրա ելույթի վրա[4]։
Պարաօլիմպիկ խաղերից բացի Վասիլի Շապտեբոյը մասնակցել է հեծանվային սպորտի, թեթև ատլետիկայի ու բիաթլոնի աշխարհի առաջնությունների։
Ծանոթագրություններ[խմբագրել | խմբագրել կոդը]
- ↑ «Беларусь на зимней Паралимпиаде представят 15 спортсменов (фото)» (ռուսերեն). Министерство спорта и туризма Республики Беларусь. 2018 թ․ փետրվարի 28. Արխիվացված է օրիգինալից 2018 թ․ մարտի 25-ին. Վերցված է 2019 թ․ ապրիլի 20-ին.
- ↑ «Belarus wins 9 medals at Vancouver 2010 Paralympics». Արխիվացված է օրիգինալից 2019 թ․ ապրիլի 19-ին. Վերցված է 2019 թ․ մայիսի 30-ին.
- ↑ «Vasili SHAPTSIABOI». Արխիվացված է օրիգինալից 2018 թ․ փետրվարի 5-ին. Վերցված է 2019 թ․ մայիսի 30-ին.
- ↑ Vasili Shaptsiaboi’s reasons to watch PyeongChang 2018