Սուրբ Վարդանի այգի
 St. Vartan Park | |
|---|---|
_38.jpg) Այգու մուտքը | |
| Տեսակ | հանգստի գոտի |
| Երկիր |  ԱՄՆ[1] |
| Վարչատարածք | Մանհեթենի Մյուրեյ Հիլ թաղամաս |
| Տեղագրություն | Նյու Յորք |
| Հիմնվել է | 1905 |
| Մակերես | 1,12 հա |
  | |
.svg) | |
Սուրբ Վարդանի այգի (անգլ.՝ St. Vartan Park), 1,12 հա տարածքով հանրային զբոսայգի է Նյու Յորքի Մանհեթենի Մյուրեյ Հիլ թաղամասում։ Գտնվում է Առաջին և Երկրորդ պողոտաների` 35-րդ և 36-րդ փողոցներով սահմանափակվող տարածքում։ Այգին կոչվում է մոտակայքում գտնվող Սուրբ Վարդան հայկական եկեղեցու անունով։ Սուրբ Վարդան այգին ներառում է բասկետբոլի և հանդբոլի խաղահրապարակներ, խոտածածկ մարզահրապարակ, խաղահրապարակ և զբոսայգի[2]։
Պատմություն[խմբագրել | խմբագրել կոդը]
Այգու հողատարածքը քաղաքը՝ որպես փոխհատուցում, ձեռք է բերել 1903 թվականին։ Այգին կառուցվել է 1904-1905 թվականներին և ի սկզբանե կոչվել է Սուրբ Գաբրիելի այգի՝ նախկին Սուրբ Գաբրիել եկեղեցու անունով, որը գտնվել է Արևելյան 37-րդ փողոցի 310 հասցեում[3][4]։
1938 թվականին այգու մի մասը քանդվել է՝ դեպի Քուինս-Միդթաուն թունել տանող ճանապարհ բացելու համար, որն ավարտվել է 1940 թվականին։ 42-րդ փողոցի հարևանությամբ նոր այգի է ավելացվել՝ փոխհատուցելու այս հողերի գրավումը, ինչի արդյունքում կառուցվել է Ռոբերտ Մոզես խաղահրապարակը։ Քուինս-Միդթաուն թունելի Մանհեթեն պորտալի կառուցումը նաև հանգեցրել է Սուրբ Գաբրիել եկեղեցու վերացմանը[3]։
1978 թվականին Սուրբ Գաբրիելի այգին վերանվանվել է Սուրբ Վարդանի այգի[3][5]։
East Side Coastal Resiliency ծրագրի շինարարության ընթացքում գոյություն ունեցող այգիները բարելավելու նպատակով այգու ասֆալտապատ խաղահրապարակը 2021 թվականին փոխարինվել է սինթետիկ խոտածածկով[6]։
2022 թվականին ստեղծվել է «Սուրբ Վարդան զբոսայգու պահպանություն» շահույթ չհետապնդող կազմակերպությունը՝ այգին բարեկարգելու նպատակով[7]։
Ծանոթագրություններ[խմբագրել | խմբագրել կոդը]
- ↑ Geographic Names Information System — 2018.
- ↑ «St. Vartan Park». New York City Department of Parks and Recreation. Վերցված է 2022 թ․ օգոստոսի 25-ին.
- ↑ 3,0 3,1 3,2 «St. Vartan Park Highlights». New York City Department of Parks and Recreation. Վերցված է 2022 թ․ օգոստոսի 25-ին.
- ↑ Report for the Year 1905 (PDF) (Report). City of New York Department of Parks. 1906. էջ 43. Վերցված է August 25, 2022-ին.
- ↑ «Koch in Tribute to Armenians in '15 Massacre». The New York Times. 1978 թ․ ապրիլի 24. Վերցված է 2022 թ․ օգոստոսի 25-ին.
- ↑ Garber, Nick (2021 թ․ հոկտեմբերի 1). «3 Midtown Parks Get Green Makeovers As Turf Replaces Asphalt». Patch. Վերցված է 2022 թ․ օգոստոսի 25-ին.
- ↑ Bussanich, Marc (2022 թ․ մայիսի 9). «New Conservancy to Care for St. Vartan Park». TAPinto.net. Վերցված է 2022 թ․ օգոստոսի 25-ին.