Սուրբ Աստվածածին եկեղեցի (Ղզլքիլիսա)
| Սուրբ Աստվածածին եկեղեցի | |
|---|---|
| Հիմնական տվյալներ | |
| Տեսակ | եկեղեցի |
| Երկիր |  Վրաստան |
| Տեղագրություն | Ղզլքիլիսա |
| Դավանանք | Հայ Առաքելական Եկեղեցի |
| Հիմնական ամսաթվերը | 19-րդ դար |
| Հիմնադրված | 19-րդ դար |
| 10 մետր | |
| Երկարություն | 6,84 մետր |
| Լայնություն | 10 մետր |
 | |
 | |
Անվան այլ կիրառումների համար տե՛ս՝ Սուրբ Աստվածածին եկեղեցի (այլ կիրառումներ)
Սուրբ Աստվածածին եկեղեցի կամ Կարմրավանքի Սուրբ Աստվածածին եկեղեցի[1], հայ Առաքելական եկեղեցի Վրաստանի Քվեմո Քարթլիի մարզի Ծալկայի շրջանում, Ծալկայից 25 կմ դեպի հյուսիս-արևմուտքում, գտնվող հայաբնակ Ղզլքիլիսա գյուղում, կառուցվել է 19-րդ դարում։
Ղզլքիլիսա գյուղի անվանումը թուրքերեն է, որը թարգմանաբար նշանակում է Կարմրավանք։ Սուրբ Աստվածածին եկեղեցու մասին կան արխիվային տեղեկություններ սկսած 19-րդ դարից։
Ըստ 1840-1880-ական թվականների տեղեկությունների, եկեղեցին ի սկզբանե եղել է փայտաշեն կառույց, ունեցել է 296 ծխական․ քահանա և դպիրներ։ Եկեղեցին ունեցել է նաև կալվածքներ։
Այժմ եկեղեցին քարաշեն բազիլիկ կառույց է, որի չափսերն են (6,84 x 10) մետր։ Շենքի ներսը կամարաձև է, ունի մեկ մուտք հարավային կողմից, որի վերնամասում ագուցված է խաչ՝ այն թվագրված է 1874 թվականով։
Եկեղեցու ներսում ՝ արևելյան կողմում գտնվում է մկրտության ավազաննը, որի վերևում կա հայերեն արձանագրություն․
|
ՅԻՇԱՏԱԿ Է ԱՎԱԶԱՆՍ - 'Ի ԴՈՒՌՆ ՂԶԼԱԿԱՆԼԻՍՈՒ - ԱՍՏՈՒԱԾԱԾՆԱՅ ԵԿԵՂԵՑՒՈՅ ԳԷՈՐԳԱՅ ՏԷՐ ԱԲՐԱՄԵԱՆ ՏԷՐ ՊՕՂՕՍԵԱՆՑԻ ԵՒ ԾՆՈՂԱՑՆ ԻՒՐՈՑ Ի-Ն ՆՈՅԵՄԲՐԻ 1876 ԱՄԻ | 
|
Մուտքի վերևի մասում կառուցված է երկհարկանի զանգակատուն։
Եկեղեցու քահանան է եղել՝ Հովհաննես քահանա Տեր-Խաչատրյանը։
Եկեղեցին վերակառուցվել է Արամյան ընտանիքի բարերարությամբ, որից հետո 2001 թվականի դեկտեմբերի 1-ին, Սուրբ Թադեոս և Սուրբ Բարդուղիմեոս առաքյալների տոնին եկեղեցին վերաօծվել է, Վիրահայոց թեմի բարեխնամ առաջնորդ Տ. Գևորգ արքեպսկոպոս Սերայդարյանի ձեռամբ, Սամցխե-Ջավախքի առաջնորդական փոխանորդ Տ. Բաբգէն աբեղա Սալբիյանի և հոգևոր դասի մասնակցությամբ։
Ծանոթագրություններ[խմբագրել | խմբագրել կոդը]
- ↑ Aleks_El_Dia. «ՂԶԼՔԻԼԻՍԱ - ՍՈՒՐԲ ԱՍՏՎԱԾԱԾԻՆ ԵԿԵՂԵՑԻ». armenianchurch.ge. Վերցված է 2021 թ․ հուլիսի 27-ին.
{{cite web}}: Missing|author1=(օգնություն)