Սակագին «Ամանորյա»
Սակագին «Ամանորյա» ռուս.՝ Тариф Новогодний | |
---|---|
Երկիր | Ռուսաստան |
Ժանր | կինոկատակերգություն, կինոֆանտաստիկա և մելոդրամա |
Թվական | 2008 |
Լեզու | ռուսերեն |
Ռեժիսոր | Եվգենի Բեդարև |
Պրոդյուսեր | Իգոր Տոլստունով |
Սցենարի հեղինակ | Եվգենի Բեդարև |
Դերակատարներ | Մաքսիմ Մատվեև, Վալերիա Լանսկայա, Եկատերինա Մալիկովա, Մարիա Արոնովա, Դմիտրի Դյուժև, Միրոսլավա Կարպովիչ, Միխայիլ Պորեչենկով, Ռոման Պոլյանսկի, Վալերի Մելաձե և Յուրի Ցուրիլո |
Երաժշտություն | Անդրեյ Զուև |
Կինոընկերություն | Profit և Մոսֆիլմ |
Տևողություն | 83 րոպե |
Շահույթ | 3 877 492 $[1] |
«Սակագին «Ամանորյա»» (ռուս.՝ «Тариф "Новогодний"»), ռուսական ամանորյա կատակերգություն ֆանտաստիկայի տարրերով։ Ֆիլմը թողարկվել է 2008 թվականի դեկտեմբերի 4-ին։
Սյուժե[խմբագրել | խմբագրել կոդը]
Ֆիլմում խաղարկվում է «Ամանորյա» սակագին, որը բաժանում է տարօրինակ մի կին Անդրեյ անունով երիտասարդ մի տղայի բջջային հայտնի կապի հեռախոսների խանությում, երբ վերջինս ցանկանում էր գնել հեռախոս։ Անդեյը ընկերների հետ դիմավորում է Նոր 2009 թվականը Կարմիր հրապարակում և ըստ հին ավանդության՝ զանգահարում է անծանոթ համարով, որպեսզի շնորհավորի անծանոթ մարդու։ Այդպես նա ծանոթանում է Ալյոնայի հետ, որից հեռացել էր սիրելի մարդը։
Երբ նրանք ցանկանում են հանդիպել, բացահայտում են, որ ապրում են տարբեր ժամանակահատվածում․ աղջիկը ապրում է 2008 թվականին, իսկ տղան՝ 2009 թվականին, ընդ որում տարբերությունը ընդհամենը 1 տարի է։ Անդրեյը որոշում է այցելել Ալյոնային ըստ նրա հասցեի և շոկի է ենթարկվում, երբ իմանում է, որ աղջիկը մահացել է զանգվածային ավտովթարի ժամանակ Նոր 2009 թվականից 15 րոպե առաջ։ Ցանկանալով կանխատեսել ավտովթարը՝ Անդրեյը 2009 թվականին իրականացնում է վթարի պատճառնորի մի ամբողջ հետաքննություն՝ բացահայտելով ողբերգության նույնիսկ ամենափոքրիկ մանրամասնությունները, և Ալյոնային պատմում է ամենը, ինչ ինքը և իր ընկերները կարողացել են իմանալ։ Ինֆորմացիայի հետ իր համար 2008 թվականի ավարտին նա Ալյոնային տեսաուղերձ է ուղարկում։ Աղջիկը իրեն օգնող ընկերներից թիմ է հավաքում։ Անդրեյն անդ ժամանակ Մոսկվայում չի լինում։ Նա երկարաժամկետ գործուղման է Ավստրիայում և չի կարող օգնել։ Ըստ տղայի տեղեկությունների՝ վթարի մեղավորը Jeep-ի հարբած վարորդն է լինելու․ նա փակելու էր բենզատար մեքենայի ճանապարհը՝ դուրս գալով հանդիպակաց գիծ, այն կարգելակեր, որի հետևանքով բենզատարի կցորդը կթռչի և կբախվի Ալյոնայի ավտոբուսին, որի հետևանքով պայթյուն կառաջանա և ճանապարհատրանսպորտային պատահարի բոլոր մասնակիցները կվախճանվեն։
Թիմի անդամները, ուսումնասիրելով 2009 թվականից Անդրեյի տրամադրած տեղեկությունները, հստակ պլան են մշակում։ 2009 թվականի նոր տարվա գիշերը Ալյոնան պետք է լինի վթարի վայրում, սակայն պետք է կանգնի մայթին։ Մնացածները փորձում են կանգնեցնել տրանսպորտային միջոցների երթևեկությունը։ Սակայն պլանավորված և ոչ մի գործողություն հաջողության չի հասնում։ Բացի այդ ճակատագրական ավտոբուսում Ալյոնայի փոխարեն հայտնվում է Անդրեյը, ով արդեն գործուղումից վերադառնում էր։ Իրավիճակը կրիտիկական է դառնում։ Ավտոբուսին է մոտենում ամենագնացը, որն այս ու այնկողմ է գնում․ երկու երիտասարդ փորձում են ղեկը կառավարել։ Նրանց է մոտենում բենզատար մեքենան, որտեղ Օլեչկան փորձում է վարորդին համոզել, որ նա իր պահապան հրեշտակն է, և որ այնտեղ վթար է տեղի ունենալու։ Չնայած թիմը ջանք չէր խնայում՝ վթարն այնուամենայնիվ տեղի ունեցավ։ Սակայն պայթյուն տեղի չունեցավ։ Անդրեյը դուրս է գալիս ավտոբուսից երթևեկելի հատված, որտեղ քիչ էր մնում բենզատարը խփեր։ Ալյոնան վերջին պահին հասցնում է նրան հրել՝ մնալով ողջ։ Նրանք կրկին ծանոթանում են 2008 թվականի վերջին։
Ֆիլմի վերջում հեռախոսների վաճառքի բաժին է մտնում սրճարանի մատուցող, և այն նույն տարօրինակ կինը նրան գնված հեռախոսի հետ տալիս է անվճար «Ամանորյա» սակագին։
Դերերում[խմբագրել | խմբագրել կոդը]
Դերասան | Դեր |
---|---|
Մաքսիմ Մատվեև | Անդրեյ |
Վալերիա Լանսկայա | Ալյոնա |
Սվետլանա Սուխանովա | Ռիտա |
Բորիս Կորչևնիկով | Պաշկա |
Եկատերինա Մալիկովա | Մաշա |
Եվգենի Սլավսկի | Վադիմ |
Ռոման Պոլյանսկի | Կոտ |
Միրոսլավա Կարպովիչ | Օլեչկա |
Մարկ Բոգատիրյով | Մաքս |
Ստաս Բելյաև | Դանիլով |
Լանա Շչերբակովա | Վիկա |
Տատյանա Վասիլևա | տարօրինակ կին |
Մարիա Արոնովա | ավտոբուսի վարորդ |
Միխայիլ Պորեչենկով | Վիտալի Բարինով ամենագնացի վարորդ |
Դմիտրի Դյուժև | բենզատարի վարորդ |
Վալերի Մելաձե | կոլորիտային վրացի |
Տատյանա Օռլովա | Մատիլդա Գենրիխովնա |
Վլադիմիր Կռիլով | խոզուկի դիմակով տղա |
Նոննա Գրիշաևա | ժպտերես ծաղկավաճառ |
Յուրի Ցուրիլո | հսկա տղամարդ ավտոբուսում |
Ֆյոդոր Դոբրոնրավով | բարեհոգի վարորդ |
Անաստասիա Ցվետաևա | մատուցող սրճարանում |
Միխայիլ Պոլիցեյմակո | տեսուչ |
Ալեքսանդր Գրիշաև | տեսուչ |
Ալեքսանդր Չեռնյավսկի | տեսուչ |
Սերգեյ Դորոգով | դրուժիննիկ |
Գալինա Դանիլովա | ուղևոր ավտոբուսում |
Եկատերինա Կոպանովա | ակնոցով աղջիկ |
Մարիաննա Շուլց | հուշանվերների խանութի վաճառող |
Աննա Անտոնենկո-Լուկոնինա | տարեց ուղևոր |
Իվան Դոան | կոնսերվատորիայի ուսանող |
ՄՏՍ-ի թաքնված գովազդ և դատական հայց[խմբագրել | խմբագրել կոդը]
Ֆիլմի տեսարանները, երբ հերոսները «Ամանորյա» սակագնով հեռախոս են ստանում, տեղի են ունենում ՄՏՍ-ի բջջային կապի սրահում, ինչը հաստատվում է կադրում բազմիցս հայտվող ընկերության տարբերանշաններով։ Իրական Мобильные ТелеСистемы ընկերությունը, որը ֆիլմի պրեմիերայի ժամանակ կազմակերպել էր նախամանորյա ակցիա՝ կապված նրա նոր «Ամանորյա» սակագնի հետ, ֆիլմում տեղադրել է իր գովազդը։ Սա ընկերությանն արժեցել է 11,3 միլիոն ռուսական ռուբլի, որը վճարվել է ֆիլմի պրոդյուսերներին։ Բացի այդ, «Սակագին «Ամանորյա»» ֆիլմի կադրերն օգտագործվել են ռուսական մի քանի հեռուսատալիքների ցուցադրված ՄՏՍ-ի գովազդային տեսահոլովակում։
Դերասանուհի Տատյանա Վասիլևան, որը կատարել է այն կնոջ դերը, ով գլխավոր հերոսին ամանորյա սակագնով հեռախոս է վաճառում և ներկա է գովազդում, 2009 թվականի դեկտեմբերին հայց է ներկայացրել ընդդեմ ՄՏՍ-ի և հեռուստաալիքների, որոնք ցուցադրել են այս տեսանյութը։ Նա հայտարարել է, որ չի տվել գովազդում նկարահանվելու համաձայնություն[2][3]։ Այս գործը Ռուսաստանում առաջին դատական գործն էր՝ կապված կինոյում թաքնված գովազդի հետ։ Դատական լսումները տևել են մինչև 2011 թվականը, երբ Մոսկվայի արբիտաժային դատարանը վճիռ է կայացրել հօգուտ հեռուստաալիքների՝ մասնավորապես նշելով, որ դերասանուհուն չեն պատկանում կադրերի հեղինակային իրավունքները[3][4][5]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ http://www.boxofficemojo.com/intl/cis/opening/
- ↑ «В России впервые оспорили в суде скрытую рекламу в кино» (ռուսերեն). Лента.Ру. 2010 թ․ փետրվարի 26. Արխիվացված օրիգինալից 2012 թ․ ապրիլի 12-ին. Վերցված է 2013 թ․ հունվարի 3-ին.
- ↑ 3,0 3,1 «Суд отклонил иск Татьяны Васильевой к "ТВ Центру"» (ռուսերեն). Лента.Ру. 2010 թ․ հունիսի 4. Արխիվացված օրիգինալից 2014 թ․ մարտի 4-ին. Վերցված է 2013 թ․ հունվարի 3-ին.
- ↑ «Татьяна Васильева пожаловалась в суд из-за рекламы "Новогоднего тарифа"» (ռուսերեն). Лента.Ру. 2010 թ․ հուլիսի 13. Արխիվացված օրիգինալից 2013 թ․ նոյեմբերի 3-ին. Վերցված է 2013 թ․ հունվարի 3-ին.
- ↑ Дмитрий Щитов (2011 թ․ նոյեմբերի 6). «ВАС не стал пересматривать отказ актрисе Васильевой в иске к ТНТ» (ռուսերեն). РИА-Новости. Արխիվացված օրիգինալից 2013 թ․ հունվարի 5-ին. Վերցված է 2013 թ․ հունվարի 3-ին.
|