Ջորջ Մարագոս
| Ջորջ Մարագոս | |
| |
| Կուսակցություն՝ | ԱՄՆ Հանրապետական կուսակցություն |
|---|---|
| Կրթություն՝ | ՄաքԳիլի համալսարան և Փեյս համալսարան |
| Մասնագիտություն՝ | քաղաքական գործիչ |
| Ծննդյան օր | մարտի 17, 1949 (75 տարեկան) |
| Ծննդավայր | Լեֆկաս, Լեֆկաս, Լեֆկաս, Հոնիական կղզիներ, Հունաստան |
| Քաղաքացիություն |  ԱՄՆ
|
Ջորջ Մարագոս (անգլ.՝ George Maragos, մարտի 17, 1949, Լեֆկաս, Լեֆկաս, Լեֆկաս, Հոնիական կղզիներ, Հունաստան), ազգությամբ հույն ամերիկացի գործարար և քաղաքական գործիչ, Նասոյի շրջանի 13-րդ ֆինանսական վերահսկիչը[1][2]։ ԱՄՆ հունական համայնքի ակտիվ անդամ[3][4][5]։
Կենսագրություն[խմբագրել | խմբագրել կոդը]
Վաղ տարիներ, ընտանիք և կրթություն[խմբագրել | խմբագրել կոդը]
Ծնվել է Լեֆկադա կղզում (Հունաստան) աղքատ ընտանիքում, որը սկզբում ներգաղթել է Կանադա, իսկ հետո՝ ԱՄՆ[6][7]։
Ավարտել է ՄաքԳիլի համալսարանը՝ էլեկտրատեխնիկայի բնագավառում բակալավրի աստիճանով (Կանադա, 1973) և Փեյսի համալսարանը՝ ֆինանսների բնագավառում բիզնեսի կառավարման մագիստրոսի աստիճանով (1983)[8]։
Կարիերա[խմբագրել | խմբագրել կոդը]
Կարիերան սկսել է «Bell-Northern Research» հեռահաղորդակցային R&D ընկերությունում, որտեղ դարձել է ամենաերիտասարդ մենեջերներից մեկը։
1978 թվականին միացել է «Booz Allen Hamilton» խորհրդատվական ընկերությանը, որտեղ աշխատել է հրամանատարության և կառավարման ամերիկյան ռազմական համակարգերի վրա։ Ավելի ուշ համակարգել է լուծումների մշակումը խոշոր միջազգային հաճախորդների համար[8]։
1981 թվականին սկսել է աշխատել «Chase Manhattan Bank» ընկերությունում, որտեղ գլխավորել է տվյալների փոխանցման և դրամական փոխանցումների ցանցի ստեղծմամբ զբաղվող խումբը։ Ավելի ուշ դարձել է փոխնախագահ։
1986 թվականին զբաղեցրել է «Citibank»-ի փոխնախագահի պաշտոն[8]։
1989 թվականին հիմնադրել է սեփական «SDS Financial Technologies» ընկերությունը, և 20 տարի եղել է ընկերության նախագահն ու գլխավոր տնօրենը։
2010 և 2012 թվականներին մասնակցել է ԱՄՆ սենատում հանրապետական կուսակցության փրայմերիզին[8][9][10][11]։
2016 թվականին իր տիկնոջ հետ 5 400 դոլար Է հատկացրել Դեմոկրատական կուսակցության թեկնածու Հիլարի Քլինթոնի նախագահական ընտրարշավի համար[12]։
Քաղաքական հայացքներ[խմբագրել | խմբագրել կոդը]
Որոշակի փուլում Մարագոսը մտահոգությամբ էր արտահայտվում միասեռ զույգերի ամուսնության իրավունքի մասին՝ հայտարարելով, որ նրանց օրինականացումը կարող է արդյունքում հանգեցնել բազմակնության օրինականացմանը, իսկ հարցազրույցներից մեկում նա ասել է․ «որոշ մարդիկ կցանկանային նույնիսկ ամուսնանալ իրենց ընտանի կենդանիների հետ»։ Նույն ժամանակահատվածում նա հանդես է եկել աբորտների դեմ, բացառությամբ մոր կյանքի պահպանման, բռնաբարության և արյունապղծության դեպքերի[13]։ Սակայն ավելի ուշ աբորտի և նույնասեռ ամուսնությունների իրավունքների վերաբերյալ նրա դիրքորոշումը փոխվել է ճիշտ հակառակը[14]։
Անձնական կյանք[խմբագրել | խմբագրել կոդը]
1973 թվականին ամուսնացել է Անժելա Մարագոսի հետ, ունի երկու որդի՝ Փիթերը (ծնված՝ 1976 թվականին) և Անջելոն (ծնված՝ 1985 թվականին)[8]։
Ծանոթագրություններ[խմբագրել | խմբագրել կոդը]
- ↑ «George Maragos the New Controller of Nassau». Greek Reporter. 2010 թ․ հունվարի 8.
- ↑ Hadrick, Celeste (2013 թ․ նոյեմբերի 6). «Maragos defeats Weitzman in Nassau comptroller race». Newsday. Արխիվացված է օրիգինալից 2018 թ․ մարտի 12-ին. Վերցված է 2019 թ․ հոկտեմբերի 2-ին.
- ↑ Tsounis, Catherine. «St. Nicholas Holds Annual Greek Festival». Queens Gazette. Արխիվացված է օրիգինալից 2018 թ․ մարտի 12-ին. Վերցված է 2018 թ․ մարտի 11-ին.
- ↑ «Holy Trinity Hicksville Greek Festival a Huge Success (Video)». The National Herald. 2017 թ․ սեպտեմբերի 12. Արխիվացված է օրիգինալից 2018 թ․ մարտի 12-ին. Վերցված է 2019 թ․ հոկտեմբերի 2-ին.
- ↑ «Professional Organizations Grind the Pepper at Carnival Party in NYC». The National Herald. 2016 թ․ մարտի 18.
- ↑ «SJU Hellenic Society Holds Cultural Event». Greek News - Greek-American Weekly Newspaper. 2010 թ․ ապրիլի 19. Արխիվացված է օրիգինալից 2018 թ․ մարտի 12-ին. Վերցված է 2019 թ․ հոկտեմբերի 2-ին.
- ↑ «Interviews That Matter With Raj Mehta - Hon. Nassau County Comptroller -George Maragos». YouTube. Raj Mehta.
- ↑ 8,0 8,1 8,2 8,3 8,4 «Biography: George Maragos». County Comptroller's Office.
- ↑ «George Maragos Announced Run for US Senate». Greek Reporter. 2011 թ․ դեկտեմբերի 6.
- ↑ Tsatsou, Marianna (2012 թ․ հունիսի 27). «George Maragos Finishes 3rd- W. Long Wins the NY Primary for Senate». Greek Reporter.
- ↑ Reisman, Nick (2012 թ․ մարտի 16). «Three Challengers of Senator Gillibrand Reach the Primary Ballot». Spectrum News NY1: Queens. Արխիվացված է օրիգինալից 2013 թ․ սեպտեմբերի 21-ին. Վերցված է 2019 թ․ հոկտեմբերի 2-ին.
- ↑ «George, Angela Maragos Donate $5400 to Hillary Clinton's Campaign». The National Herald. 2016 թ․ հոկտեմբերի 10. Արխիվացված է օրիգինալից 2018 թ․ մարտի 12-ին. Վերցված է 2019 թ․ հոկտեմբերի 2-ին.
- ↑ Ablamsky, Jessica (2011 թ․ օգոստոսի 24). «County comptroller seeks U.S. Senate seat». The Island Now. Արխիվացված է օրիգինալից 2016 թ․ սեպտեմբերի 24-ին. Վերցված է 2019 թ․ հոկտեմբերի 2-ին.
- ↑ LaRocco, Paul (2016 թ․ սեպտեմբերի 29). «George Maragos to seek Democratic nod in county exec race». Newsday. Արխիվացված է օրիգինալից 2018 թ․ մարտի 12-ին. Վերցված է 2019 թ․ հոկտեմբերի 2-ին.