Ջորջ Դոքմեջյան
Ջորջ Դոքմեջյան (լրիվ անունը` Դյոկմեջյան Գուրգեն Ջորջ կրտսեր (անգլերեն` Courken George Deukmejian, Jr.), ծննդյան թվականը` 6 հունիսի 1928թ, Օլբանի (Նյու Յորք), Նյու Յորք նահանգ), հայազգի ամերիկյան պետական և քաղաքական գործիչ: Հայրը Այնթապից էր, մայրը՝ Էրզրումից, վերապրել են Ցեղասպանությունը, տեղափոխվել ԱՄՆ[1]: Ավարտել է Նյու Յորքի Սենթ Ջոն համալսարանի իրավաբանական ֆակուլտետը, 1955թ. տեղափոխվել է Կալիֆորնիա, որտեղ 1963թ, ընտրվել է նահանգային ժողովի անդամ (առ 1967թ.), 1967-79 թթ. նահանգային սենատոր, 1979-88թթ. Կալիֆորնիայի ընդհանուր դատախազ: 1982-91թթ զբաղեցնում էր Կալիֆորնիայի նահանգապետի պաշտոնը: 1985թ. Դոքմեջյանի նախաձեռնությամբ ապրիլի 24-ը Կալիֆորնիայում հայտարարվեց Հայոց ցեղասպանության զոհերի հիշատակի օր: 1990թ. Դոքմեջյանը հատուկ հայտարարագրով ապրիլի 24-ը հռչակեց Հիշատակի պետական օր և կոչ արեց համայն մարդկությանը միանալ հայ զոհերի հիշատակի հարգանքի այդ տուրքին[2]:
Հղումներ [խմբագրել]
- ↑ http://www.hayernaysor.am/newsday.php?p=0&c=0&t=0&r=0&year=2009&month=05&day=21&shownews=928&?p=0&c=0&t=0&r=0&year=2009&month=05&day=21&shownews=928&LangID=4#928
- ↑ «Հայկական հարց» հանրագիտարան, Երևան, 1996, էջ 115-116
Արտաքին հղումներ [խմբագրել]
«ԵՍ, ԿԱԼԻՖՈՐՆԻԱՅԻ ՆԱՀԱՆԳԱՊԵՏ ՋՈՐՋ ԴՈՔՄԵՋՅԱՆՍ...»
 |
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |
