Ջոն Բենսոն
| Ջոն Բենսոն | |
|---|---|
| Ծնվել է | 1865[1][2][3][…] |
| Ծննդավայր | Սեյլեմ, Մասաչուսեթս, ԱՄՆ |
| Մահացել է | 1947[1][2][4][…] կամ նոյեմբերի 16, 1947[5] |
| Գերեզման | Հարմոնի Գրուվ գերեզման |
| Քաղաքացիություն | .svg){kind=small} ԱՄՆ |
| Մասնագիտություն | ճարտարապետ և նկարիչ |
 John Benson Վիքիպահեստում | |
Ջոն Բենսոն (անգլ.՝ John Prentiss Benson, 1865[1][2][3][…], Սեյլեմ, Մասաչուսեթս, ԱՄՆ - 1947[1][2][4][…] կամ նոյեմբերի 16, 1947[5]), ամերիկացի ճարտարապետ և ծովանկարիչ[6]։
Կյանք և աշխատանք[խմբագրել | խմբագրել կոդը]
Ծնվել է 1865 թվականի փետրվարի 8-ին Մասսաչուսեթս նահանգի Սեյլեմ քաղաքում, նկարիչ Ֆրենկ Բենսոնի եղբայրն է։ Ճարտարապետի կրթություն է ստացել Ժյուլիանի ակադեմիայում և Փարիզի Գեղարվեստի դպրոցում։ Վերադառնալով ԱՄՆ` 1893 թվականին նա ամուսնացել է Սառա Բիսել Վիթմանի հետ, նրանք ապրում էին Նյու Ջերսի նահանգի Պլեյնֆիլդ քաղաքում, այնուհետև տեղափոխվել են Նյու Յորքի Ֆլաշինգ քաղաք։
Բենսոնն աշխատել է Նյու Յորքի McKim, Mead & White ճարտարապետական ֆիրմայում։ Այնուհետև իր ընկերոջ` Ալբերտ Լևրեթ Բրոքվեյի հետ (ում հետ կրթություն էր ստացել Եվրոպայում) ստեղծել են իրենց սեփական` Բենսոն և Բրոքվեյ (անգլ.՝ Benson and Brockway) ընկերությունը։ 1922 թվականին Բենսոնն աշխատել է որպես ճարտարապետ։ Այդ ժամանակ նա իր կնոջ հետ մեկնել է Անգլիա, որտեղ ստուդիա է վարձել և նկարել մի քանի կտավ։ Նա իր նկարները ուղարկել է Նյու Յորքի Քենեդի պատկերասրահ (անգլ.՝ Kennedy Galleries), որտեղ դրանք վաճառվել են։ Այնուհետև Ջոնը թողել է ճարտարապետական աշխատանքը և լիովին նվիրվել է նկարչությանը։ Կնոջ հետ տեղափոխվել են Մեն նահանգի Քիթերի քաղաք, որտեղ գնել են իրենց սեփական տունը Փիսքաթաքվա գետի վրա, որն իրենք կոչել են «Ուռիների ափ»[7][7]։
Մահացել է 1947 թվականի նոյեմբերի 16-ին Մեն նահանգի Քիթերի քաղաքում։ Թաղվել է Մասսաչուսեթս նահանգի Սեյլեմ քաղաքի «Համերաշխության պուրակ» գերեզմանատանը[8]։ Ջոն Բենսոնը ստեղծել է ավելի քան 500 կտավ։ Նրա կտավները կարելի է տեսնել ԱՄՆ-ի բազմաթիվ թանգարաններում։ 1968 թվականին Սեյլեմ քաղաքի Փիբոդի թանգարանում կազմակերպվել է նկարչի աշխատանքների հետահայաց ցուցադրություն[7]։
Նկարներ[խմբագրել | խմբագրել կոդը]
-
Ջոն Բենսոն. Իսպանական նավ -
Կլիպեր -
Նավ -
Ձկնորսություն -
Առագաստանավ -
Լողափ
Աղբյուրներ[խմբագրել | խմբագրել կոդը]
- Nicholas J. Baker, John Prentiss Benson — American Marine Artist, 2008.
- Charles Penrose, John P. Benson. American Artist (1865-1947) An Affectionate Tribute, 1949.
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 RKDartists (նիդերլ.)
- ↑ 2,0 2,1 2,2 2,3 2,4 Union List of Artist Names
- ↑ 3,0 3,1 Swartz A. Open Library — 2007.
- ↑ 4,0 4,1 4,2 Répertoire des artistes (ֆր.)
- ↑ 5,0 5,1 5,2 Find A Grave — 1996.
- ↑ About John Benson (անգլ.)
- ↑ 7,0 7,1 7,2 «Archived copy». Արխիվացված է օրիգինալից 2011 թ․ հուլիսի 26-ին. Վերցված է 2011 թ․ հունիսի 12-ին.
{{cite web}}: CS1 սպաս․ արխիվը պատճենվել է որպես վերնագիր (link) - ↑ John Prentiss Benson (անգլ.)
Արտաքին հղումներ[խմբագրել | խմբագրել կոդը]
- Персональный сайт Արխիվացված 2017-09-25 Wayback Machine (անգլ.)
- John Benson (1865-1947) (անգլ.)
 | Վիքիպահեստն ունի նյութեր, որոնք վերաբերում են «Ջոն Բենսոն» հոդվածին։ |
| ||||||
