Պավել Գրաչով

Վիքիպեդիայից՝ ազատ հանրագիտարանից
Evstafiev-pavel-grachev-1994w.jpg

Պավել Սերգեևիչ Գրաչով (1948, հունվարի 1, գ. Ռվի, Տուլայի մարզ, Ռուսաստան - 2012, սեպտեմբերի 23, Կրասնոգորսկ, Մոսկվայի մարզ), Ռուսաստանի Դաշնության ռազմական գործիչ։ ՌԴ բանակի գեներալ (1992), Խորհրդային Միության հերոս (1988)։

Ավարտել է Ռյազանի բարձրագույն օդադեսանտային հրամանատարական ուսումնարանը (1970), Մոսկվայի Մ. Ֆրունզեի անվան ռազմական (1981) և գլխավոր շտաբի ակադեմիաները (1990)։ Զբաղեցրել է տարբեր հրամանատարական պաշտոններ ԽՍՀՄ օդադեսանտային զորքերի համակարգում։ 1992-96-ին՝ ՌԴ պաշտպանության նախարար։ Պաշտոնաթողությունից հետո աշխատել է «Росвооружение» (այժմ՝ «Рособоронэкспорт») ընկերությունում՝ որպես խորհրդական։[1] 2007-ի ապրիլի 30-ին գյուղում բացվել է նորակառույց մանկապարտեզ

Պավել Գրաչովն իր պաշտոնավարման ժամանակաշրջանում էապես նպաստել է նաև հայ-ռուսական ռազմական համագործակցության հաստատմանն ու ամրապնդմանը, ինչը նաև խթանվում էր նրա և Վազգեն Սարգսյանի անձնական մտերմությամբ։ Շատերը Գրաչովի անվան հետ են կապում նաև Հայաստանին վաճառված սպառազինության «ռոխլինյան ցուցակը»։ 1999-ից Պավել Գրաչովը Երևանի պատվավոր քաղաքացի էր։[2]

Ղարաբաղյան հակամարտության կարգավորման գործընթացում հանդես է եկել միջնորդական նախաձեռնություններով։ Արդյունքում հաստատվել է 1994-ի փետրվարի 18-ի արձանագրությունը, որը 1994-ի մայիսին հաստատված զինադադարի հիմքն է եղել[1]։

Ծանոթագրություններ[խմբագրել]

  1. 1,0 1,1 Ղարաբաղյան ազատագրական պատերազմ. 1988-1994, Ե., ՀՀՀ, 2004, էջ 169։
  2. Վախճանվել է ՌԴ պաշտպանության նախկին նախարար գեներալ Պավել Գրաչովը