Նիկոլաե Բոտգրաս

Նիկոլաե Բոտգրաս
Բնօրինակ անուն	ռումիներեն՝ Nicolae Botgros
Ծնվել է	հունվարի 25, 1953 (71 տարեկան) կամ 1953; Մոլդովենեսկ Բադիկուլ, Կագուլի շրջան, Մոլդովական ԽՍՀ, ԽՍՀՄ
Երկիր	Մոլդովա
Մասնագիտություն	ջութակահար և դիրիժոր
Գործիքներ	ջութակ
Ամուսին	Lidia Bejenaru?
Պարգևներ	; ; և
	Nicolae Botgros Վիքիպահեստում

Նիկոլաե (Նիկոլայ) Բոտգրոս (ռումիներեն՝ Nicolae Botgros, հունվարի 25, 1953(1953-01-25) կամ 1953^[1], Badicul Moldovenesc, Cahul District, Մոլդովական ԽՍՀ, ԽՍՀՄ), մոլդովացի երաժիշտ և կոմպոզիտոր, Մոլդավիայի պետական ֆիլհարմոնիայի «Լեուտարի» ժողովրդական երաժշտության անսամբլի գեղարվեստական ղեկավար^[2]։ Մոլդովական ԽՍՀ ժողովրդական արտիստ (1988)։

Կենսագրություն[խմբագրել | խմբագրել կոդը]

Նիկոլաե Բոտգրոսը ծնվել է 1953 թվականի հունվարի 25-ին Մոլդովական ԽՍՀ Կագուլի շրջանի Բադիկուլ Մոլդովենեսկ գյուղում (ներկայում՝ Մոլդովայի Հանրապետություն^[3]՝ երաժիշտների ընտանիքում. նրա հայրը եղել է ջութակահար, երկու եղբայրները նույնպես փոքր տարիքից նվագել են տարբեր երաժշտական գործիքներ։

Նիկոլաե Բոտգրոսը երաժշտություն է սովորել է Սորոկիի մշակութային-լուսավորական ուսումնարանում, իսկ 1990 թվականին ավարտել է ուսումը Քիշնևի կոնսերվատորիայում (ջութակահար և դիրիժոր)^[4]։

1970-ական թվականների սկզբին Նիկոլաե Բոտգրոսն աշխատել է «Չոկիրլիա» նվագախմբում։ 1973-1974 թվականներին որպես ջութակահար աշխատել է «Մուգուրել» նվագախմբում, իսկ 1974-1978 թվականներին՝ «Ժոկ» անսամբլում։ 1978 թվականից Նիկոլաե Բոտգրոսը գլխավորում է «Լեուտարի» անսամբլը, որ կազմակերպվել էր «Մուգուրել» ժողովրդական անսամբլի հիման վրա։ Ելույթ է ունեցել ԽՍՀՄ տարբեր քաղաքներում ու արտասահմանում՝ Եվրոպայում ու Ամերիկայում։ «Լեուտարի» անսամբլն արժանացել է բազմաթիվ մեդալների ու դիպլոմների։

Նիկոլաե Բոտգրոսն ամուսնացած է Լիդիա Բեժենարուի հետ։