Մոնձե (համայնք)

Մոնձե
Բնակավայր
	Մոնձե
	գերմ.՝ Mondsee
	Զինանշան
Երկիր	Ավստրիա
Մակերես	16,62 կմ²
ԲԾՄ	493 մետր
Բնակչություն	▲3734 մարդ (հունվարի 1, 2018)
Ժամային գոտի	UTC+1 և UTC+2
Հեռախոսային կոդ	06232
Փոստային դասիչ	5310
Ավտոմոբիլային կոդ	VB
Պաշտոնական կայք	gemeinde-mondsee.at
	Մոնձե (համայնք) (Ավստրիա)
	Մոնձե (համայնք) (Ավստրիա)
	Մոնձե Վիքիպահեստում

Մոնձե (գերմ.՝ Mondsee), տոնավաճառ քաղաք (գերմ.՝ Marktgemeinde) Ավստրիայում՝ Վերին Ավստրիայի դաշնային նահանգում՝ Զալցբուրգ դաշնային նահանգի հետ սահմանի մոտ։

Ընդհանուր տեղեկություն[խմբագրել | խմբագրել կոդը]

Մտնում է Վոկլաբրուկ շրջանի կազմի մեջ։ Բնակչությունը կազմում է 3307 մարդ (2005 թվականի դեկտեմբերի 31)։ Զբաղեցնում է 16,62 կմ² տարածք։ Պաշտոնական կոդը՝ 4 17 15։

Մոնձին գտնվում է Զալցբուրգից 25 կիլոմետր դեպի արևելք՝ Մոնձե լճի հյուսիսարևելյան ծայրամասում։

Բնակավայրով է անցնում Զալցբուրգ - Լինց - Վիեննա մայրուղին, Մոնդսեում երկաթուղի չկա։

Պատմություն[խմբագրել | խմբագրել կոդը]

Գեղատեսիլ լճի ափին մարդիկ բնակություն են հաստատել նախապատմական ժամանակներից, ինչպես ցույց են տվել 19-րդ դարի հնագիտական պեղումները, որոնք բացահայտել են նեոլիթյան շրջանի կույտային շինությունների մշակույթը։ Մոնձեի մշակույթը զոհվել է սողանքի հետևանքով առաջացած ցունամիի պատճառով։

Գյուղի պատմությունը սկսվում է 748 թվականին, երբ Մոնձե լճի ափին հիմնադրվեց բենեդիկտյան վանքը^[2], առաջին վանքը Վերին Ավստրիայում։ 788 թվականին այստեղ ստեղծվել է առաջին ավստրիական ձեռագիր սաղմոսարանը, 800 թվականին վանքում կատարվել է Աստվածաշնչի թարգմանությունը հին գերմաներեն։

1791 թվականին վանքը փակվել է և վերակառուցվել՝ վերածվելով ամրոցի։ Այսօր վանքից մնացել է Մոնձեի գլխավոր տեսարժան վայրը՝ Սբ. Միքայելը, ինչպես նաև մի քանի շենքեր, որտեղ այժմ գտնվում են տեղական գիտության և կույտային շենքերի թանգարանները։