Մերաբ Կոկոչաշվիլի

Մերաբ Կոկոչաշվիլի; վրաց.՝ მერაბ კოკოჩაშვილი
Ծնվել է	մարտի 21, 1935 (89 տարեկան)
Ծննդավայր	Թբիլիսի, Վրացական ԽՍՀ, ԽՍՀՄ
Կրթություն	Մոսկվայի Գերասիմովի անվան կինեմատոգրաֆիայի ինստիտուտ
Քաղաքացիություն	ԽՍՀՄ և Վրաստան
Ազգություն	վրացի
Մասնագիտացում	կինոռեժիսոր, սցենարիստ, դերասան
Պարգևներ	և Վրացական ԽՍՀ ժողովրդական արտիստ
IMDb	ID 0463761

Մերաբ Արչիլի Կոկոչաշվիլի (վրաց.՝ მერაბ კოკოჩაშვილი, 21 մարտի, 1935, Թբիլիսի, Վրացական ԽՍՀ, ԽՍՀՄ), վրացի կինոռեժիսոր, դերասան, սցենարիստ։ Վրացական ԽՍՀ ժողովրդական արտիստ (1983)^[1]։

Կենսագրություն[խմբագրել | խմբագրել կոդը]

Մերաբ Կոկոչաշվիլին ծնվել է 1935 թվականի մարտի 21-ին Թբիլիսիում։ 1958 թվականին ավարտել է Մոսկվայի Գերասիմովի անվան կինեմատոգրաֆիայի համառուսաստանյան ինստիտուտի ռեժիսորական ֆակուլտետը (Գ. Շիրոկովի արվեստանոց)։ 1960 թվականին նկարահանել է «Մի բակի մյուսը» ֆիլմը։ 1970-ական թվականների սկզբին դասավանդել է «Վրացֆիլմ» կինոստուդիային կից դերասանական խմբակում։ 1976 թվականից «Վրաստանի հեռուստաֆիլմ» ընկերության գեղարվեստական ղեկավարն է։ 1989 թվականից դասավանդել է Թբիլիսիի պետական համալսարանում։ Պրոֆեսոր է, կինոյի կառուցվածքի ու լեզվի լաբորատորիայի վարիչ։

Մերաբ Կոկոչաշվիլին 1979 թվականին արժանացել է Վրացական ԽՍՀ արվեստի վաստակավոր գործչի, իսկ 1983 թվականին՝ Վրացական ԽՍՀ ժողովրդական արտիստի կոչման։