Մարգացնցուղ սակավաճառագայթ
Մարգացնցուղ սակավաճառագայթ | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
Peucedanum pauciradiatum Tamamsch
|
Մարգացնցուղ սակավաճառագայթ (լատին․՝ Peucedanum pauciradiatum), հովանոցավորների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
40–80 սմ բարձրությամբ բազմամյա խոտաբույս է։ Տերևների կուտակված են ցողունի հիմքում, կրկնակի-եռակի փետրաձև հատված են, կոշտ թխակապույտ, ծայրամասերի երկարությունը 8-10 մմ է, կլորավուն ուրվագծով, եռաբլթակ։ Հովանոցն ունի 3–6 ճառագայթ։ Ծածկոցի և ծածկոցիկի թերթերը 5–6 հատ են, նշտարաձև։ Պսակաթերթերը վառ–դեղին են։ Պտուղները մեջքի կողմից ուժեղ սեղմված են, եզրային կողերը նեղ–թևավոր[1]։
Տարածում[խմբագրել | խմբագրել կոդը]
Հայաստանում աճում է միայն Մեղրու ֆլորիստիկական շրջանում (Ագարակ և Ալդարա գյուղերի շրջակայք)։ Աճում է Նախիջևանում և Ադրբեջանի Զանգելանի շրջանում[1]։
Էկոլոգիա[խմբագրել | խմբագրել կոդը]
Աճում է ստորին լեռնային գոտում՝ ծովի մակարդակից 800–900 մ բարձրությունների վրա, չոր ժայռոտ լանջերին, քարաթափվածքների վրա, ֆրիգանանման բուսականության մեջ։ Ծաղկում է մայիս ամսին, պտղաբերում՝ հունիս–հուլիսին[1]։
Պահպանություն[խմբագրել | խմբագրել կոդը]
Կրիտիկական վիճակում գտնվող տեսակ է։ Հայաստանի Կարմիր գրքի առաջին հրատարակության մեջ ընդգրկված չէր։ Ընդգրկված չէ նաև CITES–ի և Բեռնի կոնվենցիաների հավելվածներում[1]։
Պահպանության գործողություններ չեն իրականացվում։ Անհրաժեշտ է ստեղծել նոր ԲՀՊՏ Մեղրու շրջանի Ագարակավանի շրջակայքում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
|