Ճուռակախոտ փրչոտ
Ճուռակախոտ փրչոտ | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
Hieracium pannosum
|
Ճուռակախոտ փրչոտ (լատին․՝ Hieracium pannosum), բարդածաղկավորների ընտանիքին պատկանող ծածկասերմ բույս։
Նկարագրություն[խմբագրել | խմբագրել կոդը]
Բազմամայա, վերին մասում համարյա անտերև բույս է, որի բարձրությունը հասնում է 15-35 սմ-ի։ Տերևները լայն-նշտարաձև են, ամբողջաեզր կամ մանր-ատամներով, նստադիր մոտեցած ցողունի հիմքում կամ մի փոքր վերև՝ առաջացնելով կեղծ վարդակ։ Ամբողջ բույսը խիտ ծածկված է երկար (5-12 մմ երկարության), կոշտ շիկակարմիր և սպիտակ մազիկներով։ Ծաղկաբույլը խոր և երկար եղանաձև ճյուղավորված է։ Զամբյուղները ունեն 8-15 սմ երկարության կոթեր։ Սերմիկները 2,5-4 մմ երկարության են, 10 հարթ կողերով՝ վերևում միացած օղակաձև գլանիկի ձևով[1]։
Տարածվածություն[խմբագրել | խմբագրել կոդը]
Հանդիպում է Շիրակի (լեռնագագաթ՝ Արտենի), և Դարեղեգիսի (Խաչիկ գյուղի շրջակայք) ֆլորիստիկական շրջաններում։Աճում է նաև միջերկրածովյան ավազանի արևելյան երկրներում և Անատոլիայում[1]։
Էկոլոգիա[խմբագրել | խմբագրել կոդը]
Աճում է վերին լեռնային գոտում՝ ծովի մակարդակից 1600-2200 մ բարձրությունների վրա, չոր քարքարոտ լանջերին, տափաստաններում, մարգագետիններում, մարգագետնատափաստաններում։ Ծաղկում է հուլիս-օգոստոս ամիսներին, պտղաբերում՝ օգոստոսին[1]։
Պահպանություն[խմբագրել | խմբագրել կոդը]
Վտանգված տեսակ է։ Տարածման և բնակության շրջանների մակերեսը 10 կմ²-ից պակաս է։ Հայաստանի Կարմիր գրքի առաջին հրատարակության մեջ ընդգրկված չէր։ Ընդգրկված չէ նաև CITES-ի և Բեռնի կոնվենցիաների հավելվածներում[1]։
Պահպանության գործողություններ չեն իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
Վիքիցեղերն ունի նյութեր, որոնք վերաբերում են «Ճուռակախոտ փրչոտ» հոդվածին։ |
|