Հայ նահատակների հուշարձան (Փրովիդենս)
Հայ նահատակների հուշարձան (Փրովիդենս, Ռոդ Այլենդ) | |
---|---|
Տեսակ | հուշարձան |
Երկիր | ԱՄՆ |
Շինության ձև | Հուշարձան |
Հիմնական թեմա | Հայոց ցեղասպանություն |
Ներկա վիճակ | Կանգուն |
Հայ նահատակների հուշարձան, հուշահամալիր ԱՄՆ Ռոդ Այլենդ նահանգի Փրովիդենս բնակավայրում։
Պատմություն[խմբագրել | խմբագրել կոդը]
Հուշահամալիրը նվիրված է Հայոց Ցեղասպանության զոհերի հիշատակին, ստեղծվել է Ռոդ-Այլենդի ամերիկահայ համայնքի և «Հայ նահատակների հուշարձան» հանձնախմբի (The Armenian Martyr's Memorial Committee of Rhode Island) աջակցությամբ, տեղադրվել է 1977 թվականի ապրիլի 24-ին[1][2]։
Հուշարձանը ստեղծվել է «Հայ նահատակների հուշարձան» հանձնախմբի ինն անդամների կողմից, հիշեցնում է բյուզանդական դարաշրջանի կառույց։ Գմբեթի խաչը տիպիկ հայկական է, վեց սյուների վրա հենված օվալաձև գմբեթը հիշեցնումէ 17-րդ դարի ճարտարապետությունը։
Հուշարձանը բաղկացած է կենտրոնագմբեթ կամարից, որի ներքո վեր է հառնում խաչքարերի կոմպոզիցիան։ Նման կոմպոզիցիա կա նաև Էջմիածնում (Խաչքար-հուշարձան աղոթքի և ուխտի (Էջմիածին))։ Այն երկու կողմերից շրջապատված է երկկողմանի մակագրությամբ հուշաքարերով[3]։
«Հայ նահատակների հուշարձան» հանձնախում[խմբագրել | խմբագրել կոդը]
Մարտին Մահտեսյան, Կարլոս Թարակցյան, Ռամոն Զորապետյան, Քեննեթ Պարոնյան, Ռուբեն Չակմակչյան, Տերանս Մարտինեսյան, Արա Ա. Շիրակյան, Ջոն Վարադյան, Ջոյս Երեմյան։
Տվյալներ[խմբագրել | խմբագրել կոդը]
Հուշահամալիրի հուշաքարերի վրա մակագրված է.
Մենք հայերս կը ձօնենք այս հուշարձանն անման յիշատակին 1.500.000 հայ նահատակաց, որոնք զոհ գնացին 1915 թվականի թրքական ցեղասպանութեան։ |
Աստ կը հանգչի աճունն անծանոթ բայց մարտիրոսցեած հայու մը բերուած Տեր Զօրի անապատեն։ |
Ծանոթագրություններ[խմբագրել | խմբագրել կոդը]
- ↑ Armenian Martyrs' Memorial Monument in Providence, Rhode Island
- ↑ «Փրովիդենսի հայ համայնք». Արխիվացված է օրիգինալից 2016 թ․ մարտի 4-ին. Վերցված է 2015 թ․ փետրվարի 20-ին.
- ↑ Փրովիդենս քաղաքում գտնվող Հայոց ցեղասպանության նահատակներին նվիրված հուշարձանի մոտ հիշատակվելու է Հայոց ցեղասպանությունը