Լորենցին ծնվել է Բուենոս Այրեսում, Արգենտինայում, ընտանիքի ութ զավակներից յոթերորդն է[1]։ Հեռախոսային ընկերությունում աշխատել է որպես մեքենագրուհի։ Մասնակցել է թիավարման, տեգահարման, ատլետիկայի և հոկեյի տարբեր մրցումների։ 1933 թվականին նա սկսել է ինքնաթիռով թռչել սովորել Մորոնի ավիաակումբում։ Դասերը թանկ արժեին, և նա ծախսում է իր բոլոր խնայողությունները` վաճառելով նաև իր հեծանիվն ու հանրագիտարանը։ 1935 թվականին նա ստացել է օդաչուի իր վկայականը։ Նույն տարում նա Հարավային Ամերիկայի ռեկորդ է սահմանել` ջրի մեջ ցատկելով 5.700 մետրից[2]։ Նա նաև մասնակցել ու հաղթել է մի քանի մրցաշարեր` մեծ հետաքրրքություն ցուցաբերելով օդաչուական բարձրագույն վարպետության հանդեպ[1]։ Հայտնի է դարձել օղակների նետման իր ցուցադրություններով[2][3]։
1938-1940 թվականներին Լորենցինին ներգրավված էր հետազոտական առաքելության մեջ, որի ընթացքում թռիչքներ էին կատարվում Արգենտինայի 14 շրջաններ` օդային քարտեզներ ու թռիչքներ նախագծելու համար։ Նա թռել է յուրաքանչյուր քաղաք ու երկիր` ծանոթագրելով իր ճամփորդությունների քարտեզները[2]։ Արդյունքում նա ամբողջ երկրում հայտնի է դարձել։ 1939 թվականին Vosotras ամսագիրը Լորենցիին անվանել է Արգենտինայի տարվա ութ կանանցից մեկը, նրա նկարը հայտնվել է El Gráfico ամսագրի շապիկին[2]։
1941 թվականի նոյեմբերի 23-ին Լորենցինին կորցրել է իր ինքնաթիռի կառավարումը և վթարի է ենթարկվել։ Նա անմիջապես մահացել է։ Դժբախտ պատահարը տեղի է ունեցել Մորոնում, օդային բարձր վարպետության ցուցադրությունների ժամանակ, որին այցելել էին ուրուգվայցի մի խումբ օդաչուներ[1]։ Ավելի ուշ հաղորդվել է, որ Լորենցին ծանոթ չէր այն ինքնաթիռին, որով թռչում էր և չափազանց բարկացած էր ցուցահանդեսի կազմակերպչական խնդիրների պատճառով[2]։
2001 թվականին Արգենտինայի փոստը դրոշմանիշ է մարել նրա անունով և նկարով[4]։