Կազակ Բուլանովի ալրաղաց
 | |
|---|---|
 | |
| Տեսակ | տեսարժան վայր և շենք |
| Երկիր |  Ռուսաստան |
| Տեղագրություն | Ազով |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
 | |
 | |
Կազակ Բուլանովի ալրաղաց (ռուս.՝ Мельница казака Буланова), ՌԴ Դոնի Ռոստովի Ազով քաղաքի XX դարի արդյունաբերական ճարտարապետության պահպանված եզակի համալիրներից մեկը[1]։
Պատմություն[խմբագրել | խմբագրել կոդը]
Ալրաղացը կառուցվել է 1905 թվականին Գիմնազիչեսկայա փողոցի (այժմ` Խաղաղության փողոց) և Կիրսանովսկայա նրբանցքի (այժմ` Զոյա Կոսմոդեմյանսկայայի պողոտա) խաչմերուկում։ Բայց որպես մասնավոր սեփականություն նրա մասին առաջին հիշատակումը վերաբերում է 1912 թվականին։ Շենքը պատկանել է կազակ Ն. Ն. Բուլանովին[1]։
1925 թվականին ալրաղացի տարածքում շոգեմեքենա տեղակայելու համար կառուցվել է միահարկ շենք[1]։
Հայրենական մեծ պատերազմի տարիներին ալրաղացը մասնակիորեն քանդվել և կողոպտվել է։ Վերականգնողական աշխատանքներն ավարտվել են 1952 թվականին[1]։
Նոր ալրաղացի կազմում են տարբեր ժամանակահատվածների (1950-1980 թվականների) երեք տեսակի շինություններ։ Ալրաղացային համալիրի գերիշխող տարր է հենց ալրաղացն է։ Շենքի արևմտյան ճակատին (Խաղաղության փողոցի կարմիր գծի երկայնքով) հարում է երկհարկանի աղյուսե շինություն։ Հյուսիսային ճակատի կողմից գտնվում է մեքենասրահի միահարկ աղյուսե շենքը, որն ունի բարդ հատակագիծ։ Ալրաղացի ճակատի գեղարվեստական ձևավորման մեջ առկա են կոմպոզիցիոն հնարքներ և ճարտարապետական դեկոր, որոնք բնորոշ են էկլեկտիզմի ռացիոնալիզատորական ուղղությանը` աղյուսային ոճին[1]։
2000 թվականին Ռոստովի մարզի վարչակազմի որոշմամբ հուշարձանը ստացել է տեղական նշանակության հուշարձանի կարգավիճակ և անցել պետական պահպանության տակ[1]։