Զոյա Կոսմոդեմյանսկայա

Վիքիպեդիայից՝ ազատ հանրագիտարանից

Զոյա Անատոլևնա Կոսմոդեմյանսկայա (Տանյա, 1923—1941), սովետական պարտիզանուհի, ԽՍՀՄ հերոս (16.2.1942, ետմահու), ՀամԼԿԵՄ անդամ 1938-ից։ Սովորել է Մոսկվայի 201-րդ դպրոցում։ Հայրենական մեծ պատերազմի ժամանակ Նարո-Ֆոմինսկի շրջանում կոմերիտական պարտիզանների հետ անցել է ռազմաճակատի գիծը և թշնամու թիկունքում մարտական առաջադրանք կատարելիս բռնվել Պետրիշչևո գյուղի մոտ։ Ֆաշիստները նրան անլուր տանջանքների են ենթարկել, բայց արհամարհելով մահը, նա չի մատնել ընկերներին։ Կախաղան է հանվել նոյեմբ. 29-ին։ Կոսմոդեմյանսկայայի անունը սովետական հայրենասիրության խորհրդանիշ է։ Նրան են նվիրված բազմաթիվ գրական գեղարվեստական գործեր։ Նրա անունով են կոչվում փողոցներ, դպրոցներ։ 1942-ից Կոսմոդեմյանսկայան թաղված է Մոսկվայի Նովոդևիչի գերեզմանատանը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png