Ծովակալության արվարձան (Տագանրոգ)
| Ծովակալության արվարձան ռուս.՝ Адмиралтейская слободка | |
|---|---|
| Երկիր | Ռուսաստան |
| Քաղաք | Տագանրոգ |
| Վիճակ | չի պահպանվել |
Ծովակալության արվարձան (ռուս.՝ Адмиралтейская слободка), նաև` Ծովային թաղամասեր (ռուս.՝ Морские кварталы), անվանում, որը նախկինում կիրառվել է Ռուսաստանի Դաշնության Ռոստովի մարզի Տագանրոգ քաղաքի ձկնավերամշակող գործարանի ավազոտ ափի տարածքի և այն վայրի վերաբերյալ, որտեղ հատվում էին Նեկրասովի նրբանցքը և Պուշկինի ու Շևչենկոյի փողոցները[1]։
Պատմություն[խմբագրել | խմբագրել կոդը]
1775 թվականի դեկտեմբերի 4-ի դրությամբ, ըստ վավերագրական աղբյուրների, Տագանրոգ քաղաքում արդեն գործում էր Ծովակալությունը։ Եկատերինա II-ի կառավարման ժամանակ ցամաքալեզվակի տարածքում արդեն գործել է 20 հնոցով դարբնոց։ Հարևանությամբ եղել են փականագործական և լապտերային արհեստանոցներ։
Ծովակալության արվարձանում բնակվում էին ծովայինների կանայք, ձկնորսները, նավաշինական գործարանի բանվորները[2]։ Ծովակալության արվարձանում կառուցվել էին նաև հատուկ մարագներ և այլ շինություններ, որոնք օգտագործվել են պաշարների, թնդանոթային հաստոցների և ճոպանասարքի պահպանման համար։ Զառիթափի վերևում գտնվել են մակույկների արհեստանոցներ, որոնք նախատեսված էին մակույկների և որոշ այլ տեսակի ծովային նավերի պահպանության համար։ Կային հատուկ տարածքներ անտառը պահելու համար։ Գոյություն է ունեցել հատուկ առագաստային արհեստանոց, որտեղ նախատեսված էին մառաններ ծովային սննդամթերքի համար։ Զառիվայրից ձախ կառուցվել էր գլխավոր հրամանատարի տունը, աջ կողմում գտնվում էին նավահանգստային գրասենյակը, փորագրելու արհեստանոցը, հաուպտվախտը և պահակատնակը[3]։
Ծանոթագրություններ[խմբագրել | խմբագրել կոդը]
- ↑ «Адмиралтейская слободка». Արխիվացված է օրիգինալից 2019 թ․ ապրիլի 3-ին. Վերցված է 2017 թ․ մարտի 29-ին.
- ↑ Сергей Николаевич Емельянов (2008). «Поговорим о названиях». Վերցված է 2017 Ապրիլ 5-ին.
- ↑ Адмиралтейская слободка//Энциклопедия Таганрога, Ростов-на-Дону, Росиздат, 2003