«Իմ ընկերն անլուրջ մարդ է» (լատիշ․՝ «Mans draugs — nenopietns cilvēks», ռուս.՝ «Мой друг — человек несерьёзный»), 1975 թվականի խորհրդային գեղարվեստական ֆիլմ, արտադրա-կենցաղային կատակերգական մելոդրամա։ Նկարահանվել է Պետկինոյի և ԽՍՀՄ գրողների միության 1973 թվականի մրցույթի հաղթող Ալեքսանդր Գորոխովի «Ամեն մեկի հոգսերը» (ռուս.՝ «Заботы каждого») սցենարով[1]։
Արվիդ Լասմանիսն իր սկզբունքայնության պատճառով երկար չի մնում ոչ մի աշխատավայրում։ Կնոջը և երկու երեխաներին պետք է կերակրել, և նա աշխատում է որպես գերեզմանափոր գերեզմանոցում։ Զոքանչի փեսացուն՝ Ցիեկուրսը, Արվիդին աշխատանքի է ընդունում իր մոտ, բայց այստեղ էլ նրա անհաշտ բնավորությունը հնարավորություն չի տալիս համակերպվել անփույթ աշխատողների հետ. նա կտրականապես հրաժարվում է հողով ծածկել տեղադրման համար պատրաստված ժանգոտ խողովակները։ Ինտան՝ Արվիդի կինը, հոգնել է ապրել կոմունալ բնակարանում ապրելուց, բայց առանձին բնակարան ստանալու համար պետք է կարողանալ հարմարվել վերադասին։