Ժիրայր Հովնանյան

Ժիրայր Հովնանյան;
Ծնվել է	հունիսի 9, 1927
Ծննդավայր	Քիրքուք, Իրաք
Մահացել է	օգոստոսի 14, 2007 (80 տարեկան)
Մահվան վայր	Նյու Ջերսի, ԱՄՆ
Քաղաքացիություն	USA (United States of America)
Կրթություն	Սթենֆորդի համալսարան և Ուորթոնի դպրոց
Մասնագիտություն	general contractor

Ժիրայր Ստեփանի Հովնանյան (հունիսի 9, 1927(1927-06-09), Քիրքուք, Իրաք - օգոստոսի 14, 2007(2007-08-14)^[1], Նյու Ջերսի, ԱՄՆ), Նյու Ջերսիում հաստատված ամերիկահայ ձեռնարկատեր, կապալառու, շինարար։ Բիզնես գործունեության ընթացքում Հովնանյանը մշակել և կառուցել է ավելի քան 6000 տուն Հարավային Ջերսիում^[2]։

Գործարար-ձեռնարկատեր Վահագն և Հրայր Հովնանյանների եղբայրը։

Կենսագրություն[խմբագրել | խմբագրել կոդը]

Ժիրայր Հովնանյանը ծնվել է 1927 թվականին Իրաքի Քիրքուք քաղաքում^[2]։ 1915 թվականի Հայոց ցեղասպանության հետևանքով նրա ընտանիքը հաստատվել է Իրաքում^[2]։ Ժիրայրի հայրը եղել է Մալաթիա-Սեբաստիայից, մայրը՝ Մալաթիայից։ Ստեփան Հովնանյանը Բաղդադում հիմնել է շինարարական կազմակերպություն^[2]։ Ժիրայրը եղել է ընտանիքի 6 երեխաներից մեկը։ Նա հաճախել է Քիրքուքի ճիզվիտների ավագ դպրոց^[3]։ Հովնանյան ընտանիքը ԱՄՆ է գաղթել 1948 թվականին և հաստատվել Հյուսիսային Ֆիլադելֆիայում։ 1952 թվականին բակալավրի աստիճան է ստացել Փենսիլվանիայի համալսարանի Ուորտոն բիզնես դպրոցից, մագիստրոսի աստիճան՝ Սթենֆորդի համալսարանի բիզնես դպրոցից^[2]։

1959 թվականին Ժիրայրը և իր երեք եղբայրները հիմնադրել են Hovnanian Brothers Corp ընտանեկան շինարարական կազմակերպությունը։ 1964 թվականին, առանձնանալով եղբայրներից, Նյու Ջերսիի Լորել Մաունթ ավանում Ժիրայրը հիմնադրել է իր շինարարական բիզնեսը՝ J.S. Hovnanian & Sons:

Հովնանյանը և նրա J.S. Hovnanian & Sons ընկերությունը մասնակցել է«Extreme Makeover: Home Edition» ռեալիթի շոուին և ծրագիրն ավարտել է 2007 թվականի օգոստոսին, Ժիրայրի մահից 10 օր առաջ^[2]։ Հովնանյանի ընկերությունն անվճար տուն է կառուցել Մարերո ընտանիքի (Վիկտոր Մարերոն ունեցել է 5 որդի) համար Նյու Ջերսիի Պենսակեն ավանում։ Տունը կառուցվել է 96 ժամում^[2]։

Ժիրայր Հովնանյանը եղել է Նյու Ջերսիի շինարարների ընկերակցության նախագահը և ողջ կյանքի ընթացքում «Տուն կառուցողների ազգային ընկերակցության» նախագահը^[2]։

Ընտանիք[խմբագրել | խմբագրել կոդը]

Ժիրայրն ամուսնացել է Էլիզաբեթ Ոսպիկյանի հետ (մահացել է 2010 թվականի մայիսի 24-ին)։ Ունեցել են 4 երեխա՝ Ստեֆեն, Նանսի, Փիթեր, Թերեզա։

Մահը[խմբագրել | խմբագրել կոդը]

Ժիրայր Հովնանյանը սրտի անբավարարություն է ունեցել Նյու Ջերսիի Լորել Մաունթ ավանի իր տանը, մահացել է 80 տարեկան հասակում Մարլթոնի Virtua West Jersey հիվանդանոցում «Extreme Makeover: Home Edition» ռեալիթի շոուին մասնակցելուց 10 օր հետո։ Հոգեհանգիստը կատարվել է Ֆիլադելֆիայի Սուրբ Գրիգոր հայ առաքելական եկեղեցում, հուղարկավորվել է Սինամինսոն ավանում^[2]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 http://www.iht.com/articles/ap/2007/08/15/america/NA-GEN-US-Obit-Hovnanian.php
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 Sims, Gayle Ronan. "An entrepreneur's final act of generosity", The Philadelphia Inquirer, August 16, 2007; accessed March 25, 2011. "A funeral service will be held Friday for Mr. Hovnanian, 80, who never stopped striving to make the world a better place for his family, the Armenian people and the underdog. The Iraqi-born Armenian American died after collapsing at his Mount Laurel residence that day."
↑ "An entrepreneur's final act of generosity", Philly.com, 17 August 2007. Accessed 12 July 2016.

Արտաքին հղումներ[խմբագրել | խմբագրել կոդը]

J.S. Hovnanian & Sons

[_4253bb3936108ccb-1] 1,0 ^1,1 ^1,2 http://www.iht.com/articles/ap/2007/08/15/america/NA-GEN-US-Obit-Hovnanian.php

[pi-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 Sims, Gayle Ronan. "An entrepreneur's final act of generosity", The Philadelphia Inquirer, August 16, 2007; accessed March 25, 2011. "A funeral service will be held Friday for Mr. Hovnanian, 80, who never stopped striving to make the world a better place for his family, the Armenian people and the underdog. The Iraqi-born Armenian American died after collapsing at his Mount Laurel residence that day."

[3] "An entrepreneur's final act of generosity", Philly.com, 17 August 2007. Accessed 12 July 2016.

[1]

[2]

[3]