Ժամանակակից հայոց լեզվի բացատրական բառարան
Ժամանակակից հայոց լեզվի բացատրական բառարան | |
|---|---|
| Տեսակ | բառարան |
| Բնօրինակ լեզու | հայերեն |
«Ժամանակակից հայոց լեզվի բացատրական բառարան» (հատոր 1–4), ՀՀ ԳԱԱ Հրաչյա Աճառյանի անվան լեզվի ինստիտուտի կազմած բառարանը։
Պատմություն[խմբագրել | խմբագրել կոդը]
Լույս է տեսել 1969–1980 թվականներին Երևանում։ Ներառում է արդի հայոց գրական լեզվի մոտ 140 հազար բառ ու դարձվածքային միավոր։
Բառացանկը կազմվել է հիմականում հայոց միալեզվյան և թարգմանության բառարանների, մասնավորապես՝ Ստեփան Մալխասյանցի «Հայերեն բացատրական բառարանի» փաստային նյութի, Լեզվի ինստիտուտի կազմած համաբարբառի և հայ գեղարվեստական գրականության ու մամուլի ընտրովի քարտարանի հիման վրա։
Ներկայացված են բացառապես հայոց գրական լեզվի՝ Խաչատուր Աբովյանի ժամանակներից մինչև 1980-ական թվականների բառապաշարը, ինչպես նաև գործածական դարձվածքներն ու տիպական բառակապակցությունները, որոնց տարբեր իմաստներն ու նրբերանգները, գործածության սահմաններն ու ոլորտները հաստատելու համար բերված են համապատասխան բնագրային օրինակներ՝ քաղված նախախորհրդային և խորհրդային շրջանների հայ գեղարվեստական և մասնագիտական գրականությունից, դասագրքերից, մամուլից։
Արտաքին հղումներ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|