Թեոդոր Բերքելման

	Թեոդոր Բերքելման
Կուսակցություն՝	Նացիոնալ-սոցիալիստական գերմանական բանվորական կուսակցություն
Մասնագիտություն՝	քաղաքական գործիչ և ռազմական գործիչ
Ծննդյան օր	ապրիլի 17, 1894
Ծննդավայր	Մեց
Վախճանի օր	դեկտեմբերի 27, 1943 (49 տարեկան)
Վախճանի վայր	Պոզնան, Նացիստական Գերմանիա
Քաղաքացիություն	Գերմանական ռայխ
Պարգևներ
Theodor Berkelmann

Թեոդոր Բերքելման (գերմ.՝ Theodor Berkelmann, ապրիլի 17, 1894(1894-04-17), Մեց - դեկտեմբերի 27, 1943(1943-12-27), Պոզնան, Նացիստական Գերմանիա), ԷսԷս-ի ղեկավարներից մեկը, ԷսԷս-ի օբերգրուպենֆյուրեր և ոստիկանության գեներալ (1942)։

Կենսագրություն[խմբագրել | խմբագրել կոդը]

Թեոդոր Բերքելմանը ծնվել է 1894 թվականի ապրիլի 17-ին Մեցի մոտ գտնվող Լե-Բան-Սանկտ-Մարտին փոքրիկ քաղաքում։ 1913 թվականի հոկտեմբերին ծառայության է անցել բանակում։ Առաջին համաշխարհային պատերազմի մասնակից է, 1914 թվականին ստացել է օբեր-լեյտենանտի կոչում։ Մարտական ծառայության համար պարգևատրվել է 1-ին և 2-րդ դասի Երկաթե խաչով։ 1919 թվականին զորացրվել է և մտել «Հյուլզեն» (Freikorps Hülsen) Կամավորական կորպուս։ 1922 թվականի վերջից մինչև 1926 թվականն աշխատել է հանքափոր։ 1926 թվականից մինչև 1930 թվականը Վերին Սիլեզիայում զբաղվել է ռազմասպորտային գործունեությամբ։

1929 թվականի մայիսի 1-ին մտել է Նացիոնալ-սոցիալիստական գերմանական բանվորական կուսակցության մեջ (տոմս № 128 245): 1930 թվականից մինչև 1931 թվականը Կանադայում զբաղվել է ֆերմերությամբ։ 1931 թվականի մարտի 1-ին մտել է ԷսԷս (տոմս № 6 019) շտանդարտենֆյուրերի կոչումով և ղեկավարել ԷսԷս-ի «Վերին Սիլեզիա» 23-րդ շտանդարտը։ 1931 թվականի հունիսի 15-ին մտել է СА-ի բարձրագույն ղեկավարության մեջ և դարձել Մյունխենում СА-ի ղեկավարության ֆյուրերի կայսերական դպրոցի (գերմաներեն` Reichsfuhrerschule) ուսուցիչ։ 1932 թվականի մարտի 6-ին վերադարձել է ԷսԷս և նշանակվել Ռեյխսֆյուրեր Հենրիխ Հիմլերի համհարզ։ 1932 թվականի հոկտեմբերի 1-ից եղել է ԷսԷս-ի «Հյուսիս» խմբի շտաբի պետ (շտաբ-բնակարանը Ալտոնում), 1933 թվականի ապրիլի 1-ից` ԷսԷս-ի «Արևելյան Ֆրիզիա» 24-րդ շտանդարտի հրամանատար, 1933 թվականի դեկտեմբերի 11-ից` ԷսԷս-ի VI աբշնիտի հրամանատար։ 1936 թվականի ապրիլին ընտրվել է Ռայխստագի պատգամավոր։

1936 թվականի ապրիլի 1-ից եղել է ԷսԷս-ի «Էլբա» օբերաբշնիտի հրամանատար, 1938 թվականի հունիսի 28-ից, միաժամանակ` ԷսԷս-ի և «Էլբա» ոստիկանության բարձրագույն ղեկավար։ 1940 թվականի ապրիլի 20-ին փոխադրվել է Վեստմարկ համանուն պաշտոնին, 1941 թվականի դեկտեմբերի 10-ին` Ռայն^[2]։ 1943 թվականի սեպտեմբերի 11-ից եղել է ԷսԷս-ի «Վարտա» ոստիկանության բարձրագույն ղեկավար, շտաբ-բնակարանը Պոզենում, միաժամանակ 1943 թվականի նոյեմբերի 9-ից` ԷսԷս-ի «Վարտա» օբերաբշնիտի հրամանատար։ Ղեկավարել է օկուպացված Լեհաստանի տարածքում հրեաների և լեհերի հետապնդման աշխատանքները^[3]։ Մահացել է 1943 թվականի դեկտեմբերի 27-ին ուղեղի կաթվածից, Պոզենում։

Պարգևներ[խմբագրել | խմբագրել կոդը]

1 -ին կարգի Երկաթե խաչ
2 -րդ կարգի Երկաթե խաչ
Վիրավորման նշան (սև) (1918)
Պատերազմի վետերանի Պատվո խաչ
Սրերով 1-ին աստիճանի Հին մարտիկի հեծանակ
Սրերով 2-րդ աստիճանի մարտական վաստակի խաչ
«1938 թվականի մարտի 13-ի հիշատակի» մեդալ, Անշլյուսս-Մեդալ
«1938 թվականի հոկտեմբերի 1-ի հիշատակի» մեդալ
ԷսԷս-ում երկարատև ծառայության պարգև
Նացիոնալ-սոցիալիստական գերմանական բանվորական կուսակցության Ոսկե կուսակցական նշան
Նացիոնալ-սոցիալիստական գերմանական բանվորական կուսակցության երկարատև ծառայության մեդալ բրոնզից և արծաթից
«Մեռյալ գլուխ» օղակ
ԷսԷս-ի ռեյխսֆյուրերի պատվո սուսեր

Գրականություն[խմբագրել | խմբագրել կոդը]

Залесский К. А. СС. Охранные отряды НСДАП. - М.: Эксмо, 2005. - 672 с. - 5000 экз. - ISBN 5-699-09780-5.

Ծանոթագրություններ[խմբագրել | խմբագրել կոդը]

↑ ^1,0 ^1,1 Dienstaltersliste der Schutzstaffel der NSDAP, Stand vom 1. Dezember 1936 — 1936.
↑ Provinz Hessen-Nassau
↑ Reichsgau Wartheland

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Թեոդոր Բերքելման» հոդվածին։

[_67b46feee3309997-1] 1,0 ^1,1 Dienstaltersliste der Schutzstaffel der NSDAP, Stand vom 1. Dezember 1936 — 1936.

[2] Provinz Hessen-Nassau

[3] Reichsgau Wartheland

[1]

[2]

[3]