Թագավորական վիլլա (Մոնցա)
| Թագավորական վիլլա (Մոնցա) | |
|---|---|
 | |
| Երկիր` |  Իտալիա |
| Ճարտարապետական ոճ` | նեոդասական ճարտարապետություն |
| Ճարտարապետ` | Ջուզեպպե Պիերմարինի, Luigi Canonica?, Giacomo Tazzini?, Achille Majnoni d'Intignano? և Luigi Tarantola? |
 | |
 | |
Մոնցայի թագավորական վիլլա (իտալ.՝ Villa Reale di Monza), պատմական կառույց Իտալիայի հյուսիսում՝ Մոնցա քաղաքում։ Գտնվում է Լամբրո գետի ափին, շրջապատված է Մոնցա զբոսայգով, որը Եվրոպայի ամենամեծ ցանկապատված զբոսայգիներից մեկն է։
Պատմություն[խմբագրել | խմբագրել կոդը]
Պալատը 1777-1780 թվականներին[1] կառուցել է Ջուզեպպե Պիերմարինին Ֆերդինանտ Ավստրիացու համար, երբ Լոմբարդիան համարվում էր Ավստրիական կայսրության մաս։
Իտալիայում նապոլեոնյան թագավորության հաստատումից հետո, շենքն օգտագործվել է որպես թագավորական պալատ և դարձել Իտալիայի փոխարքա Էժեն դե Բոհարնեի տունը։ Առաջին կայսրության անկումից հետո (1815) Ավստրիան իտալական տարածքները միացրել է Լոմբարդիա-Վենետիկյան թագավորությանը։ Մոնցան ներառվել է Միլանի մարզի մեջ։
1861 թվականին Իտալիայի թագավորության հաստատումից հետո կառույցը դարձել է Իտալիայի թագավորական Սավոյ ընտանիքի պալատը։ Թագավորական ընտանիքը պալատը լքել է 1900 թվականին՝ պալատի մուտքի մոտ Ումբերտո I թագավորի սպանությունից հետո։
Պալատական համալիրը ներառում է Cappella Reale (թագավորական կապելլա), Cavallerizza (ձիանոց), Rotonda dell'Appiani, Teatrino di Corte (Արքունական փոքրիկ թատրոն), ջերմոց։ Առաջին հարկում բացի սենյակներից կան նաև ընդարձակ սրահներ, Ումբերտո I արքայի և թագուհի Մարգարիտ Սավոյի սենյակները։ Պալատի դիմաց արքայական այգիներն են, որոնք Պիերմարինին նախագծել է որպես բնանկարային զբոսայգիներ։
Կառույցում կազմակերպվում են ժամանակավոր ցուցահանդեսներ, սակայն 2011 թվականի հուլիսի 23-ից հետո իրավիճակը փոխվել է, երբ այստեղ են տեղափոխվել Իտալիայի 4 նախարարություններ (Էկոնոմիկայի և ֆինանսների, Բարեփոխումների, Սոցիալական և Տուրիզմի)։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Թագավորական վիլլա (Մոնցա)» հոդվածին։ |
