Էտտորե Գոտտի Տեդեսկի
| Էտտորե Գոտտի Տեդեսկի իտալ.՝ Ettore Gotti Tedeschi | |
|---|---|
| Ծնվել է | մարտի 3, 1945 (79 տարեկան) |
| Ծննդավայր | Պոնտենուրե, Պիաչենցա, Էմիլիա Ռոմանիա, Իտալիայի թագավորություն |
| Քաղաքացիություն |  Իտալիա |
| Մայրենի լեզու | իտալերեն |
| Կրթություն | Պարմայի համալսարան |
| Մասնագիտություն | տնտեսագետ, բանկիր, համալսարանի դասախոս և քաղաքական գործիչ |
| Աշխատավայր | Թուրինի համալսարան և Institute for Works of Religion?[1] |
Էտտորե Գոտտի Տեդեսկի (իտալերեն՝ Ettore Gotti Tedeschi. մարտի 3, 1945, Պոնտենուրե, Պիաչենցա, Էմիլիա Ռոմանիա, Իտալիայի թագավորություն), իտալացի տնտեսագետ և բանկիր, Կրոնի գործերի ինստիտուտի, որը հայտնի է նաև որպես Վատիկանի բանկ, նախկին նախագահ (2009-ից 2012 թվականներին)։
Կենսագրություն[խմբագրել | խմբագրել կոդը]
Տեդեսկին 1973-1984 թվականներին աշխատել է ֆրանսիական Sema-Metra ՏՏ ընկերությունում որպես արդյունաբերական և ֆինանսական ռազմավարության խորհրդատու։ 1985 թվականին աշխատանքի անցավ Procomin Imi-BNL-ում՝ իբրև ֆինանսիստ, ապա տեղափոխվեց Sogei: Նա աշխատել է Parmalat- ի՝ կաթնամթերքի և սննդի իտալական կորպորացիայի IPO- ում, ինչը հանգեցրեց նրա ներգրամանը 1991 թվականին տեղի ունեցած Federconsorzi-ի ձեռքբերման բանակցություններում։ Այդ ընթացքում Տեդեսկին ներառվել էր Parmalat խմբի տնօրենների խորհրդի կազմում։
Իսպանական Santander Group-ի հետ սերտորեն կապված Էմիլիո Բոտինի խնդրանքով Տեդեսկին 1992 թվականին Ջանմարիո Ռովերարոյի հետ օգնեց հիմնադրելու Akros Finanziaria-ն։ Akros Group-ը մոտավորապես 275 միլիարդ եվրո է հավաքել 200 բաժնետերերից, որոնց թվում էին Fiat-ը, Iri-ն, Cir-ը, Ferrero-ն, Parmalat-ը, Commercial Union-ը, Banca Popolare di Milano-ն և Torinia Savings Bank-ը։ 1993 թվականին Տեդեսկին առաջադրվել է Finconsumo Banca-SpA իսպանական բանկի (հետագայում՝ Santander Consumer Bank SpA) իտալական մասնաճյուղի նախագահի պաշտոնում[2][3]։
1996-2006 թվականներին նա եղել է ֆինանսական ռազմավարության պրոֆեսոր Università Cattolica del Sacro Cuore- ում՝ Սուրբ սրտի կաթոլիկ համալսարանում, այնուհետև բիզնեսի էթիկայի թուրինյան համալսարանում։ Ներկայումս նա էթիկա է դասավանդում Università Cattolica del Sacro Cuore համալսարանում և, բացի այդ, հոդվածներ է գրում L'Osservatore Romano և Il Sole 24 Ore ամսագրերի համար։ Նա նաև պաշտոններ է զբաղեցնում տարբեր բանկային հաստատություններում, վենչուրային կապիտալի հիմնադրամներում և մասնավոր կապիտալում։
Կրոնի գործերի ինստիտուտի վարիչ[խմբագրել | խմբագրել կոդը]
2009 թվականին Տեդեսկին դարձել է կրոնական գործերի ինստիտուտի նախագահ։ Դա տեղի է ունեցել Պաոլո Չիպրիանիի բանկի տնօրեն դառնալուց երկու տարի հետո, և ի սկզբանե ենթադրվում էր, որ Գոտտի Տեդեսկին կշարունակի Չիպրիանիի նախաձեռնած բարեփոխումները, կամրապնդի համոզմունքը, որ գոյություն ունեն միայն հաստատված հաշիվներ, և որ գործարքները պատշաճ կերպով հսկվում են[4]։
2010 թվականին փողերի լվացման սկանդալի պատճառով Տեդեսկին հետաքննվել է, սակայն նրա նկատմամբ մեղադրանք չի առաջադրվել[5]։
2012 թվականի մայիսին Տեդեսկին հեռացվել է կրոնական գործերի ինստիտուտում զբաղեցրած պաշտոնից. տնօրենների խորհուրդն անվստահություն է հայտնել նրան։ Ժամանակավորապես նրան փոխարինել է գերմանացի Ռոնալդո Հերման Շմիտցը։ Վատիկանը հայտարարել է, որ Տեդեսկին հեռացվել է «քանի որ չի կատարել իր գրասենյակի առաջնային գործառույթները»[6]։ Տեդեսկին նախ հայտարարեց, որ իր հեռացումը պայմանավորված էր նրանով, որ ինքը ցանկանում էր թափանցիկություն ապահովել, բայց բանկի հետ կապված այլ մարդիկ դեմ էին դրան[7]։ Սակայն նաև հաստատեց դատախազներին, որ ինքը գրասենյակ էր գալիս շաբաթը միայն երկու օր՝ աշխատաժամանակի ճնշող մեծամասնությունը ծախսելով Միլանում գործող իսպանական Banco Santander բանկում՝ որպես դրա ղեկավարը[6]։ Խորհրդի փոխնախագահ Ռոնալդո Շմիցը՝ Deutsche Bank- ի նախկին գործադիր տնօրենը, նամակ է գրել պետքարտուղարին՝ հայտնելով, որ ինքը հրաժարական կտա, եթե այն ժամանակվա նախագահը չհեռացվի[8]։
Տեդեսկին հայտարարել է, որ իրեն թիրախավորել են հատկապես այն պատճառով, որ բանկում եղած ոչ կրոնական հաշիվների մասին տեղեկություններ է փնտրել[9]։
Հետաքննություն[խմբագրել | խմբագրել կոդը]
Իտալիայի Պյաչենցա քաղաքում գտնվող Տեդեսկիի տունը և նրա միլանյան երկու աշխատավայր-գրասենյակները հետաքննվող առանձին գործերով գրոհի ենթարկվեցին 2012 թվականի հունիսի 5-ին[10]։ Դա կոռուպցիոն հետաքննության շրջանակներում էր և առնչվում էր Finmeccanica-ի պաշտպանական կապալառու Ջուզեպպե Օրսիին, որը կապ ուներ Հնդկաստանին տասներկու ուղղաթիռ վաճառելու գործարքի հետ[11]։ Այդ գործում Տեդեսկին ներգրավված էր տեղեկացված վկայի կարգավիճակով[4]։
Ծանոթագրություններ[խմբագրել | խմբագրել կոդը]
- ↑ HENNELLY R. Pope Francis cracks down on sainthood slush funds // CBS News — CBS Broadcast Center: 2016.
- ↑ Processo Parmalat più leggero. By Giuseppe Oddo. Il Sole 24 Ore, 18 April 2007
- ↑ Gotti d’oro. Un turbo-liberista ai vertici dello Ior. By Valerio Gigante. MicroMega, 09 10 2009
- ↑ 4,0 4,1 "On Vatican Bank shake-up, sometimes a cigar is just a cigar" Allen Jr., John L., National Catholic Reporter, June 11, 2012
- ↑ Vatican Bank 'investigated over money-laundering'. BBC, 21 September 2010
- ↑ 6,0 6,1 Jorisch, Avi. "The Vatican Bank: The Most Secret Bank In the World", Forbes, June 216, 2012
- ↑ Vatican Bank chief Tedeschi dismissed. BBC, 24 May 2012.
- ↑ Hooper, John. "Vatican bank's former president accused of negligence", The Guardian, 10 June 2012
- ↑ "Vatican bank troubles await pope's attention", Los Angeles Times, March 23, 2013
- ↑ Former Vatican bank head’s house searched
- ↑ Giuseppe Orsi denies connections with Ettore Gotti Tedeschi. Avionews, 6 June 2012.
| ||||||||||||
