Երազ այգի (Երևան)
 | |
|---|---|
 Զբոսայգու մուտքի ցուցանակը | |
| Տեսակ | զվարճանքների զբոսայգի |
| Երկիր | Հայաստան |
| Վարչատարածք | Երևան, Արաբկիր վարչական շրջան[1] |
| Բացվել է | 2017[2] |
| Մակերես | 9 հեկտար |
Երազ այգին Հայաստանի մայրաքաղաք Երևանի Արաբկիր վարչական շրջանում գտնվող զվարճանքի զբոսայգին է։ Իր անունն այգին ստացել է մոտակայքում գտնվող և 1966-1996 թվականներին գործող Երևանի ավտոմոբիլային գործարանի «ԵրԱԶ» (հապավում ռուսերենից՝ Ереванский автомобильный завод) անվանումից։ «Երազ» բառի բուն իմաստը երևում է այգու կարգախոսից. «Այնտեղ, ուր երազանքներն իրականանում են»։
Զբոսայգին ընդգրկում է մանկական խաղահրապարակ, մանկական ատրակցիոններ, բադերով մեծ լիճ, որտեղ կարելի է նավակ վարել, ռեստորաններ և սրճարաններ։ Այգու մուտքից ոչ հեռու տեղադրված է «Սիրտ» ինստալյացիան՝ բաբախող կարմիր սրտի տեսքով։
Ճախրուղի[խմբագրել | խմբագրել կոդը]
Արհեստական լճի մի ափից մյուսն անցնում է ճախրուղի, որի պողպատյա մալուխները ամրացված են երեքհարկանի փայտյա աշտարակներից և որտեղից էլ իրականացվում է նստեցումը։ Ճախրուղուց կարող են օգտվել նաև պատանիները։
Newmag Summer Fest 2021[խմբագրել | խմբագրել կոդը]
2021 թվականի հուլիսի 16 Երազ այգում անցկացվեց ամառային գրքերի փառատոն «Summer Fest 2021»[3], որը կազմակերպել էր Newmag հրատարակչությունը։ Անցկացվել են հայերեն լեզվով գրված կամ թարգմանած գրքերի շնորհանդեսները և հանդիպումներ գրողների հետ։
Ներկայացված գրքերից են.
- Ժան Ֆիլիպի և Պատրիկ Ֆորի «Զիդան. Երկու կյանք»
- Նարինե Աբգարյանի «Սիմոն»
- Անահիտ Խալաֆյանի «Ապրիլի 13. ավարտ և սկիզբ»
- Ալեքս Մայքլիդիսի «Կույսերը»
- Անի Քոչարի «Հանձնվել չկա»
- Արա Թադևոսյանի «Երկու ռոք աստղ, երկու աղջիկ՝ չհաշված Արարատը»
Այգում անցկացվել են բաց դասախոսություններ գրականության հետ առնչվող տարբեր թեմաներով, երեխաների համար կարդացել են հեքիաթներ Նաիրա Զոհրաբյանը, Նազենի Հովհաննիսյանը և այլք։
Պատկերասրահ[խմբագրել | խմբագրել կոդը]
-
Զբոսայգու արհեստական լիճը -
Լճի բադերը -
Մանկական ատրակցիոն -
Մանկական խաղահրապարակը -
Այգու բաբախող սիրտը -
Այգին ձմռանը -
Ձմեռային ճեմուղի
