Եղջերվի լիճ (Ռեյնդիր Լեյք. անգլ.՝ Reindeer Lake. հայերենում որոշ դեպքերում թյուրիմացաբար գործածվել է Եղնիկի լիճ անվանաձևը)[7], լիճԿանադայում՝ Սասկաչևան և Մանիտոբա նահանգների սահմանին. 92 տոկոսն ընկած է Սասկաչևանում, 8 տոկոսը՝ Մանիտոբայում[8]։ Լիճն ունի սառցադաշտային ծագում[7]։ Ջրահավաք ավազանի մակերեսը շուրջ 60 000 քառակուսի կիլոմետր է[9]։ Ջրի հայելու մակերեսը 5.650 քառակուսի կիլոմետր է, լճի ընդհանուր մակերեսը՝ նրանում գտնվող 5.500-ից ավելի կղզիների հետ մեկտեղ՝ 6.650 քառակուսի կիլոմետր[10]։ Ջրի ծավալը՝ 95,25 կմ³[9]: Ծովի մակերևույթից բարձրությունը՝ 337 մետր[8]։ Նոյեմբերից հունիս սառցապատ է։
Մեծությամբ երկրորդն է Սասկաչևանի նահանգում և իններորդը՝ ամբողջ Կանադայում։ Ափագիծը խիստ կտրտված է։ Արևելյան ափին ընկած է Քինուսաո ավանը (Kinoosao), հյուսիսային ափին՝ Բրոշեն (Brochet), հարավային ափին՝ Սաութհենդը։ Լճի ջրերը հարավային մասում արտահոսք ունեն. Եղջերվագետով հոսում-թափվում են Չերչիլ գետը, այնուհետև՝ Հուդզոնի ծովածոց։ Լճում իրականացվում է ինչպես ինչպես սովորական ու արդյունաբերական, այնպես էլ մարզական ձկնորսություն. որսում են հյուսիսային գայլաձուկ, լճի կարմրախայտ, շիղաձկներ, արկտիկական թիմալուս և այլ ձկնատեսակներ[11]։
Լճի հարավային մասում ընկած է Խոր ծովախորշը (անգլ.՝ Deep bay), որն առաջացել է մոտավորապես 100 միլիոն տարի առաջ երկնաքարի բախման հետևանքով և ունի շուրջ 5 կիլոմետր լայնություն, 220 մետր խորություն։
↑«Canada Fishing Online». www.canadafishingonline.net (անգլերեն). Արխիվացված է օրիգինալից 2011 թ․ դեկտեմբերի 17-ին. Վերցված է 2011 թ․ դեկտեմբերի 17-ին.