Դողուլուի ջրվեժ
| Դողուլուի ջրվեժ | |
|---|---|
| պարս.՝ آبشار دوقلو | |
 Շիրբալա ժայռ և Դողուլու ջրվեժ | |
| Տեսակ | ջրվեժ |
| Երկիր | Իրան |
| Վարչատարածքային միավոր | Թեհրանի նահանգ |
| Վայր | Թեհրան |
| Մասն է | Ալբորզի լեռնային համակարգ |
| Բարձրություն (ԲԾՄ) | 2750 |
  | |
 Իրան | |
Դողուլուի ջրվեժ (պարս.՝ آبشار دوقلو, աբշարե դողուլու՝ երկվորյակների ջրվեժ), գտնվում է Իրանի մայրաքաղաք Թեհրանի տարածքում՝ կենտրոնից 20 կմ հյուսիս։
Անվանում[խմբագրել | խմբագրել կոդը]
Անվանումն առաջացել է արտաքին տեսքից, որը ճյուղավորված իջնում է ժայռի վրայից։ Ջրվեժը հայտնի է դարձել այդ անունով պարսիկ նշանավոր նկարիչ Քամալ օլ-Մոլքի վրձնով, 19-րդ դարից։ Հաճախ այն նշվում է տարբեր ստեղծագործություններում[1]։ Լեգենդի համաձայն՝ այստեղ է բնակվել Ռոստամ Զալին գահին հաստատվելու համար օժանդակած Քայ Քոբադը։
Տեղադրություն[խմբագրել | խմբագրել կոդը]
Տեղակայված է Ալբորզի համակարգի Թոչալ լեռան հարավում՝ գտնվող Շիրբալա ժայռի վրա, ծովի մակերևույթից մոտ 2750 մ բարձրության վրա։ Հաճախ կազմակերպվում են քայլերթներ, որոնք սովորաբար տևում են 3-4 ժամ։ Ճանապարհին կան սննդի կետեր և կացարաններ[2]։
Սնուցում[խմբագրել | խմբագրել կոդը]
Իրանում ջրվեժների հիմնական մասը գտնվում է արևմտյան և հյուսիսային հատվածներում՝ Զագրոսի և Ալբորզի լեռնային համակարգերում։ Ինչպես և դրանց հիմնական մասը, Ղողուլուի սնուցումը ևս հալոցքային է. բարձրադիր ձյունածածկ լեռներն ապահովում են ջրվեժի մշտական հոսքը[3]։ Բարձրությունը հասնում է 20 մետրի։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Shokoofeh Azar, The Enlightenment of the Greengage Tree
- ↑ A.Soltani. "Mount Tochal | damawand.de".
- ↑ آبشار دوقلو گشت رودخان