Գրիգոր Կարապետյան (ճարտարագետ)

Վիքիպեդիայում կան հոդվածներ Կարապետյան ազգանունով այլ մարդկանց մասին։

Անվան այլ կիրառումների համար տե՛ս՝ Գրիգոր Կարապետյան (այլ կիրառումներ)

Գրիգոր Կարապետյան
Ի ծնե	Գրիգոր Սերգեյի Կարապետյան
Ծնվել է	1933 հոկտեմբերի 8
Ծննդավայր	Գորիս
Մահացել է	նոյեմբերի 9, 2021(2021-11-09) (88 տարեկան)
Վախճանի վայր	Երևան, Հայաստան
Ազգություն	հայ
Գործունեություն	Ճարտարագետ
Գործունեության տարիներ	1955 թվականից
Կրթություն	ՀԱՊՀ
Պարգևներ	և

Գրիգոր Սերգեյի Կարապետյան (հոկտեմբերի 8, 1933(1933-10-08), Գորիս, Հայկական ԽՍՀ, ԱԽՖՍՀ, ԽՍՀՄ - նոյեմբերի 9, 2021(2021-11-09), Երևան, Հայաստան), հայ ճարտարագետ-կիբեռնետիկ, արտադրության կազմակերպիչ։ ՀԽՍՀ վաստակավոր ճարտարագետ (1985)։

Կենսագրություն

1955 թվականին ավարտել է Երևանի պոլիտեխնիկական ինստիտուտը։ 1956-1957 թվականներին վերապատրաստվել է Մոսկվայի բարձրագույն տեխնիկական ուսումնարանում։ Աշխատել է Երևանի մաթեմատիկական մեքենաների ԳՀԻ-ում, մասնակցել «Արագած», «Երևան» և պաշտպանական նշանակության «Վոլնա» և «Կարատ» ԷՀՄ-ների մշակմանը։ 1958-1961 թվականներին Կարապետյանի անմիջական ղեկավարությամբ մշակվել է ԽՍՀՄ-ում առաջին համապիտանի «Հրազդան» ԷՀՄ-ն։ 1962-1974 թվականներին եղել է ԷՀՄ-ների փորձնական գործարանի տնօրեն, 1974-1977 թվականներին՝ «Էլեկտրոն» միավորման առաջին գլխավոր տնօրեն, որտեղ իրականացվել է «Հրազդան-2», «Հրազդան-3», «Նաիրի-2», «Նաիրի-3» և այլ հաշվողական մեքենաների արտադրությունը։ 1977-1981 թվականներին կազմակերպել է «Հրազդանմաշ» գրծարանը և Ռադիոտեղորոշիչ սարքերի արտադրությունը։ 1985-1990 թվականներին եղել է Երևանի մաթեմատիկական մեքենաների ԳՀԻ-ի տնօրենի տեղակալ, 1990-1992 թվականներին՝ տնօրեն։

Մրցանակներ

• ԽՍՀՄ պետական մրցանակ 1975, 1983
• Մի շարք շքանշաններ, մեդալներ