Գեյլ Գոթիե
Գեյլ Գոթիե | |
---|---|
Ծնվել է | 1953 |
Մասնագիտություն | մանկագիր |
Քաղաքացիություն | ԱՄՆ |
Կրթություն | Կոնեկտիկուտի համալսարան |
Գեյլ Գոթիե (անգլ.՝ Gail Gauthier, 1953), ամերիկացի մանկագիր։ Նրա հայրական պապը և տատը Քվեբեկից գաղթականներ էին, որոնք անգլերեն չէին խոսում։
Մեծացել է Վերմոնտում գտնվող ֆերմայում։ Ավարտել է Կոնեկտիկուտի համալսարան՝ ստանալով «ուսուցչի օգնական» մասնագիտություն, այնուհետև մի քանի տարվա ընթացքում աշխատել է որպես ուսուցիչ դպրոցում, ինչպես նաև վարել խմբակներ և սկաուտական միջոցառումներ։ Ունեցել է երկու երեխա։ 1996 թվականին հրատարակել է իր առաջին գիրքը՝ «Իմ կյանքն այլմոլորակայինների հետ», որի հերոսներն իր երեխաները էին։ Գիրքը հումորային ձևով պատմում է իր երեխաների հանդիպման մասին նրանց հետ, որոնց նրանք անվանում են «այլմոլորակայիններ», իսկ ընթերցողը կարող է իր ընտրությամբ նրանց համարել կամ անսովոր երեխաներ, կամ պատմողի երևակայության պտուղներ, կամ էլ իսկական այլմոլորակայինները, քանի որ ֆաբուլան թույլ է տալիս բոլոր հնարավոր մեկնաբանությունները, իսկ բոլոր իրադարձությունները, որոնք անցնում են իրականության սահմանը, հայտնի են միայն «այլմոլորակայինների» խոսքերից։ Գրքի հաջողությունից հետո Գոթիե Գեյլը գրել է մի շարք նոր գրքեր` միաժամանակ շարունակելով աշխատել որպես դպրոցական ուսուցչուհի և գրադարանավարուհի։
Նաև հրատարակել է կարճ պատմվածքներ և հոդվածներ մանկական ամսագրերում, մասնավորապես` Cricket և English Journal ամսագրերում։
Գոթիեի գրքերը թարգմանվել են գերմաներեն, ճապոներեն, իտալերեն և ֆրանսերեն լեզուներով[1]։
Ստեղծագործություններ[խմբագրել | խմբագրել կոդը]
- My Life among the Aliens, illustrated by Santiago Cohen, Putnam (New York, NY), 1996.
- A Year with Butch and Spike, Putnam (New York, NY), 1998.
- Club Earth (sequel to My Life among the Aliens), Putnam (New York, NY), 1999.
- The Hero of Ticonderoga, Putnam (New York, NY), 2001.
- Saving the Planet and Stuff, Putnam (New York, NY), 2003.
- Happy Kid, 2006;
- A Girl, a Boy, and a Monster Cat (G. P. Putnam’s Sons, 2007)
- A Girl, a Boy, and Three Robbers (G. P. Putnam’s Sons, 2008), հայտնի է նաև The Hannah and Brandon Stories վերնագրով։