Բանբեր հայագիտության

Բանբեր հայագիտության;
Տեսակ	պարբերական
Լեզու	հայերեն
Գլխավոր խմբագիր	Ալբերտ Խառատյան
Հիմնադրվել է	2013
Հիմնադիր	Պավել Չոբանյան
Երկիր	Հայաստան
Հրատարակման վայր	Երևան
Գրախոսվող	այո
ISSN	1829-4073
DOI	10.54503/1829-4073
Կայք	flib.sci.am/journal/armstudies/Frame.html

Բանբեր հայագիտության, Հայաստանի հանրապետության Գիտությունների ազգային ակադեմիային կից «Գիտություն» հրատարակչության կողմից հրատարակվող մասնագիտական բազմալեզու հանդես, հրատարակվում է 2013 թվականից^[1]։

Պատմություն[խմբագրել | խմբագրել կոդը]

Հանդեսի նպատակն է հայագիտական կենտրոնների միջև միջազգային համագործակցության սերտացումը, խթանելու Հայաստանի պատմության ու մշակույթի համակողմանի հետազոտությունների իրականացմանը, նոր հարցադրումներով համալրելու պատմական իրադարձությունների քննական վերլուծությունները, դիմագրավելու Հայաստանի պատմության խեղաթյուրումներին ու շահարկումներին, քննարկելու հայագիտության հետագա զարգացմանը խոչընդոտող գործոնների ու հանգամանքների հաղթահարման ուղիները, նորովի լուսաբանելու Հայաստանի պատմության հիմնահարցերը, օժանդակելու ձերբազատվել կաղապարներից և գիտական շրջանակներին ու հանրությանը ներկայացնել ճշմարտությունը^[1]։ Հատուկ կարևորություն է տրվում Հայաստանի և տարբեր երկրների հայկական գաղթօջախների պատմությունը լուսաբանող հետազոտու թյունների հրապարակմանը, հարակից երկրների ժողովուրդների լեզուներով Հայաստանի պատմության վերաբերյալ պահպանված սկզբնաղբյուրների աղբյուրագիտական ուսումնասիրությունների իրականացմանը,Հայաստանում ուրույն քաղաքակրթության զարգացման գործընթացի անընդհատության ցուցադրմանը։ Հանդեսում հրապարակվում են հայ և օտարազգի հայագետների աշխատություններ, ներկայացվում դասական հայագիտության երախտավորների գիտական ժառանգությունն ու հայագիտական նորագույն նվաճումները, հայագիտական տարբեր կենտրոնների ձեռքբերումներն ու խնդիրները։ Գիտական հանդեսը լայնորեն բաց է բոլոր երկրների գիտնականների հայագիտական ուսումնասիրությունների համար և հրապարակում է հայագիտության բոլոր ճյուղերը ներկայացնող հետազոտություններ^[2]։