Արմեն Զաքարյան (բռնցքամարտիկ)
- Վիքիպեդիայում կան հոդվածներ Զաքարյան ազգանունով այլ մարդկանց մասին։
Արմեն Զաքարյան  | |||||||
|---|---|---|---|---|---|---|---|
| Ընդհանուր տեղեկություններ | |||||||
| Քաղաքացիություն |  Ռուսաստան | ||||||
| Ծննդյան ամսաթիվ | սեպտեմբերի 28, 1989 (34 տարեկան) | ||||||
| Ծննդավայր | Սեմեյ, Ղազախական ԽՍՀ, ԽՍՀՄ | ||||||
Մեդալներ
| |||||||
Արմեն Իգիթի Զաքարյան (սեպտեմբերի 28, 1989, Սեմեյ, Ղազախական ԽՍՀ, ԽՍՀՄ), հայկական ծագմամբ ռուսաստանցի բռնցքամարտիկ, Ռուսաստանի երկակի չեմպիոն (2012, 2015), Եվրոպայի չեմպիոն (2013)։ Ռուսաստանի միջազգային կարգի սպորտի վարպետ (2013)[1]։
Կենսագրություն[խմբագրել | խմբագրել կոդը]
Արմեն Զաքարյանը ծնվել է 1989 թվականի սեպտեմբերի 28-ին Սեմիպալատինսկում, Գյումրիից գաղթած հայերի ընտանիքում, որը ստիպված է եղել տեղափոխվել Սպիտակի երկրաշարժից հետո[2]։ Բռնցքամարտով զբաղվել սկսել է ութ տարեկանում Իսկիտիմ քաղաքի մանկապատանեկան մարզադպրոցում՝ Ալեքսանդր Վիննիկովի մոտ։ 2005 թվականին տեղափոխվել է Նովոսիբիրսկ, որտեղ շարունակել է մարզվել «Первомаец» մարզական ակումբում Վալերի Մոտկինի ղեկավարությամբ։
Արմեն Զաքարյանի մարզական կարիերայի առաջին նշանակալի հաջողությունը եղել է հաղթանակը 2012 թվականի Ռուսաստանի առաջնությունում։ 2013 թվականին մասնակցել է Մինսկում անցկացվող Եվրոպայի առաջնությանը, որտեղ հաղթել է չորս մարտերում ընդդեմ Շոտլանդիայի, Անգլիայի, Ֆրանսիայի ու Մոլդովայի ներկայացուցիչների և նվաճել ոսկե մեդալ։ 2015 թվականին AIBA Pro Boxing (APB) մրցաշարում իր հաջող ելույթների շնորհիվ որակավորվել է մասնակցելու Ռիո դե Ժանեյրոյում 2016 թվականին անցկացվելիք Ամառային օլիմպիական խաղերին[3]։
2015 թվականին Արմեն Զաքարյանը երկրորդ անգամ է հաղթել Ռուսաստանի առաջնությունում, սակայն շուտով հայտնի է դարձել, որ հավաքականի մարզչական շտաբի որոշմամբ Արմեն Զաքարյանը չի ընդգրկվել 2016 թվականի Օլիմպիական խաղերի մասնակիցների ցանկում[4]։
Ծանոթագրություններ[խմբագրել | խմբագրել կոդը]
- ↑ Приказ Министерства спорта РФ от 30 июля 2013 года № 97-нг О присвоении спортивного звания «Мастер спорта России международного класса»
- ↑ Օլիմպիական Արմեն Զաքարյան. Եթե Հայաստանի հավաքականի տղաներին չխանգարեն, նրանք կհասնեն ամենաբարձր արդյունքների
- ↑ Армен Закарян завоевал олимпийскую лицензию на Игры-2016
- ↑ Определены восемь боксёров, которые выступят на Играх в Рио
Արտաքին հղումներ[խմբագրել | խմբագրել կոդը]
|
