Արամ Պաչյան

Արամ Պաչյան
(արձակագիր)
Բնագիր ԱԱՀ՝	Արամ Պաչյան
Ծննդյան օր՝	Մարտի 19. 1983
Ծննդավայր՝	Վանաձոր, Հայաստան

Արամ Պաչյան (ծնվ. 1983, մարտի 19, Վանաձոր), արդի հայ արձակագիր:

Կենսագրություն

Ծնվել է 1983-ի մարտի 19-ին, Վանաձորում, բուժաշխատողների ընտանիքում։ 1999-2004թթ.-ին սովորել է ԵՊՀ իրավագիտության ֆակուլտետում։ 2002 թվականին Բրիտանական Արևելք-Արևմուտք Կենտրոնի կողմից կազմակերպված «Նախադեպային իրավունքը և Մարդու Իրավունքների Պաշտպանության Եվրոպական Կոնվենցիան» սեմինարներին ակտիվ մասնակցության համար արժանացել է «British East West Center and Center of Comparative Jurisprudence» հավատարմագրին: 2003 թվականին մասնակցել է Ամերիկյան իրավաբանների Ասոցիացիայի կողմից կազմակերպված «Քաղաքացիական պատերազմների ընթացքում կանանց և երեխաների իրավունքների պաշտպանությունը» թեմայով «Philip C Jessup» անվան միջազգային մրցախաղին` ճանաչվելով որպես լավագույն բանախոս: 2004-2006թ թվականին ծառայել է Հայաստանի Զինված Ուժերում, այնուհետև 2008 թվականից աշխատել է իրավապահ մարմիններում: 2009 թվականին դուրս է եկել աշխատանքից` որոշելով զբաղվել միայն գրականությամբ: Առաջին անգամ տպագրվել է 2007 թվականին «Գրական թերթում», հետագայում պատմվածքները պարբերաբար տպագրվել են` «Գրական թերթ», «Գրեթերթ», «Եղիցի Լույս» թերթերում, «Նարցիս» գրական հանդեսում: 2008 թվականին «Թափանցիկ Շշեր» պատմվածքի համար արժանացել է «Գրեթերթ»-ի ամենանամյա մրցանակին: 2009 թվականին «Ռոբինզոն» պատմվածքի համար կրկին անգամ արժանացել է «Գրեթերթ»-ի ամենանամյա մրցանակին: 2009 թվականին «Աշխատանք, Աշխատանք» և «Շախմատային Նովել» պատմվածքների համար արժանացել է Նարցիս գրական-գեղարվեստական մշակութային հանդեսի մրցանակին: 2009 թվականին Արամ Պաչյանի պատմվածքները ընդգրկվել են արդի հայ արձակի «Անթոլոգիա 18-33» ժողովածուում: 2010 թվականին Արամ Պաչյանին շնորհվել է ՀՀ նախագահի երիտասարդական մրցանակ` 2009 թվականին գրական մամուլում տպագրած պատմվածքների շարքի համար:

Գրքերը

• Ռոբինզոն և 13 պատմվածք, Երևան, «Գրական էտալոն», 2010:
• Ցտեսություն, Ծիտ (վեպ), Երևան, «Անտարես», 2012:

Հրատարակումները

• Ինքնագիր գրական հանդես 2010/6
• Անթոլոգիա 18-33 , արդի հայ արձակի անթոլոգիա, Երևան 2009
• Գրական թերթ, ՀԳՄ պաշտոնաթերթ 2007/19, 2009/30, 2010/25
• Գրեթերթ, ՀԳՄ գրական-երիտասարդական թերթ 2007/4, 2007/5, 2008/2, 2008/3, 2009/3, 2009/2
• Նարցիս, գրական-գեղարվեստական, մշակութային ամասգիր 2007/6, 2009/2, 2009/6
• Եղիցի Լույս, ԼՂՀ գրողների միության պաշտոնաթերթ, 2009/7,8, 2010/1

Մրցանակներ և պարգևներ

• Գրեթերթի 2008 թվականի մրցանակ «Թափանցիկ շշեր» պատմվածքի համար:
• Գրեթերթի 2009 թվականի մրցանակ «Ռոբինզոն» պատմվածքի համար:
• Գրեթերթի 2010-ի մրցանակ «Actus Tragicus» էսսեի համար։
• Նարցիս 2009 թվականի գրական հանդեսի մրցանակ 2007-2008թթ տպագրած պատմվածքների համար:
• Նախագահի երիտասարդական մրցանակ 2009թ. գրականության անվանակարգում:

Զեկուցումներ

• 2009, նոյեմբերի 20 «Ռոբինզոնադ.Ուրիշների ուրիշը», ՀՀ ԳԱԱ Մ. Աբեղյանի անվան գրականության ինստիտուտի «Երիտասարդ գրականագետների հանրապետական գիտական նստաշրջանում»։

Արտաքին հղումներ

• Արամ Պաչյանի «Ռոբինզոն և 13 պատմվածք» գիրքը
• Արամ Պաչյանի պատմվածքները Գրանիշում
• 34&Itemid= 4 Պատմվածքներ Նարցիս գրական հանդեսում

Աղբյուրներ

• 1932 Արամ Պաչյանի հարցազրույցը Գրանիշում
• Արամ Պաչյանի հարցազրույցը Առավոտ օրաթերթում
• 2715%3A6698&catid= 181%3An669&Itemid= 141&lang=hy Այցեքարտ երիտասարդ գրողներին