Ամֆորա

Ամֆորաներ Սուրբ Պետրոսի ամրոցի թանգարանում (Թուրքիա)

Աթենաս աստվածուհու պատկերով հունական ամֆորա

Հռոմեական ամֆորայի կառուցվածքը
1 : եզրակ - 2 : վիզ - 3 : բռնակ - 4 : ուս - 5 : իրան - 6 : ոտք

Ամֆորա (հին հուն.՝ ἀμφορεύς, ἀμφι - երկու կողմից + φέρω - տանում եմ), անտիկ անոթ՝ բարձր, ուռուցիկ, դեպի ներքև սեղմվող իրանով, նեղ վզով և վերձիգ զույգ կանթով։ Պատրաստվել է կավից, երբեմն՝ մետաղից, հաճախ նկարազարդվել է։ Ամֆորաները օգտագործվել են գինի ու ձեթ պահելու և տեղափոխելու համար։ Ունեցել են որոշակի տարողություն (5-50 լիտր) և ծառայել են որպես չափաման միավոր։ Հռոմեական կայսրությունում մեկ ամֆորան հավասար էր մեկ տաղանդի և կշռով հավասար էր ամֆորայում տեղավորվող ջրի քաշին (հավասար է մեկ հռոմեական ոտնաչափի, կամ 26,027 լիտր)։

Հղումներ

Մեդիաֆայլեր այստեղ՝ Ամֆորա